ಮನೆಯಲ್ಲಿ ನಂಬರ್ 1 ಯಾರು ? ಧೋನಿ ಕೊಟ್ಟ ಉತ್ತರವೇನು ?

ಮುಂಬಯಿ: ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರು ತನ್ನದೇ ಆದ ವೈಶಿಷ್ಟ್ಯಗಳಿಂದ ಸುದ್ದಿಯಾಗುತ್ತಲೇ ಇರಿಯುತ್ತಾರೆ. ಕೂಲ್ ಕ್ಯಾಪ್ಟನ್ ಅಭಿಮಾನಿಯೊಬ್ಬರು ಕೇಳಿದ ವೈಯಕ್ತಿಕ ಪ್ರಶ್ನೆಗೆ ಕೂಲ್ ಆಗಿಯೇ ಉತ್ತರ ನೀಡಿ ಸುದ್ದಿಯಾಗಿದ್ದಾರೆ.

ಐಪಿಎಲ್ ಆರಂಭಕ್ಕೂ ಮುನ್ನ ಚೆನ್ನೈ ತಂಡದ ಅಭಿಮಾನಿಗಳೊಂದಿಗೆ ಧೋನಿ ಆತ್ಮೀಯ ಸಂವಾದ ನಡೆಸಿದರು. ಈ ವೇಳೆ ಅಭಿಮಾನಿಯೊಬ್ಬರು ಧೋನಿ ಸರ್, ನಾನು ನಿಮಗೆ ವೈಯಕ್ತಿಕ ಪ್ರಶ್ನೆ ಕೇಳಬಹುದೇ ಎಂದು ಕೇಳಿದ್ದಾರೆ. ಸಾಧ್ಯವಾದರೆ ಉತ್ತರಿಸುತ್ತೇನೆ ಎಂದಿದ್ದಾರೆ. ಆಗ ಅಭಿಮಾನಿ, ಎಲ್ಲರಿಗೂ ಗೊತ್ತು ನೀವು ಎಲ್ಲಾ ಕ್ಷೇತ್ರಗಳಲ್ಲಿ ನಂಬರ್ 1 ಎಂದು, ನಿಮ್ಮ ಮನೆಯಲ್ಲಿ ಯಾರು ನಂಬರ್ 1 ಎಂದು ಕೇಳಿದ್ದಾರೆ.

ಉತ್ತರಿಸಿದ ಧೋನಿ, ನೀವು ತಿರುಗಿ ನೋಡಿ, ಅರ್ಧಕ್ಕೂ ಹೆಚ್ಚು ಜನರು ನಗುತ್ತಿದ್ದಾರೆ. ಎಲ್ಲರಿಗೂ ಗೊತ್ತು, ಮನೆಯಲ್ಲಿ ಹೆಂಡತಿಯೇ ನಂಬರ್ 1  ಎಂದು ಎಲ್ಲರನ್ನೂ ನಗೆ ಗಡಲಲ್ಲಿ ತೇಲಿಸಿದ್ದಾರೆ.

ಧೋನಿ ಅವರು 2010 ರಲ್ಲಿ ಸಾಕ್ಷಿ ಅವರೊಂದಿಗೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು, ಅವರಿಗೆ ಝೀವಾ ಹೆಸರಿನ ಮಗಳಿದ್ದಾಳೆ.