ಪೊಲೀಸ್‌ ನೇಮಕ ಮತ್ತೂಂದು ವಿವಾದ

ಭೋಪಾಲ: ಮಧ್ಯಪ್ರದೇಶದ ಭಿಂಡ್‌ನ‌ಲ್ಲಿ ಪೊಲೀಸ್‌ ನೇಮಕಾತಿ ವೇಳೆ ಮಹಿಳಾ ಅಭ್ಯರ್ಥಿಗಳನ್ನು ಪುರುಷ ವೈದ್ಯರು ತಪಾಸಣೆ ನಡೆಸಿದ ವಿಚಾರ ಬೆಳಕಿಗೆ ಬಂದಿದೆ. ಈ ವೇಳೆ ಪುರುಷ ಅಭ್ಯರ್ಥಿಗಳು ಒಳ ಉಡುಪಿನಲ್ಲಿದ್ದರು. ಈ ವಿಡಿಯೋ ವೈರಲ್‌ ಆಗಿದೆ.

 ಭಿಂಡ್‌ನ‌ ಜಿಲ್ಲಾ ವೈದ್ಯಾಧಿಕಾರಿ ಡಾ. ಅಜಿತ್‌ ಮಿಶ್ರಾ ಈ ಸಂಬಂಧ ತನಿಖೆಗೆ ಆದೇಶಿಸಿದ್ದಾರೆ. ವೈದ್ಯಕೀಯ ತಪಾಸಣೆ ವೇಳೆ ಹಾಜರಿದ್ದ ಐವರು ವೈದ್ಯರಿಗೆ ಶೋಕಾಸ್‌ ನೋಟಿಸ್‌ ನೀಡಲಾಗಿದೆ. ಈಗಾಗಲೇ ಈ ಸಂಬಂಧ ಮಹಿಳಾ ವೈದ್ಯರನ್ನೂ ನಿಯೋಜಿಸಲಾಗಿದ್ದು, ಸೂಕ್ತ ಇತರ ಸೌಲಭ್ಯವನ್ನೂ ಒದಗಿಸಲಾಗಿದೆ ಎಂದು ಮಿಶ್ರಾ ಹೇಳಿದ್ದಾರೆ. ಒಟ್ಟು 217 ಜನರು ಪೊಲೀಸ್‌ ನೇಮಕಾತಿ ಪರೀಕ್ಷೆಗೆ ಹಾಜರಾಗಿದ್ದರು. ಆದರೆ ಇದರಲ್ಲಿ ಎಷ್ಟು ಮಹಿಳೆಯರಿದ್ದರು ಎಂಬುದು ತಿಳಿದುಬಂದಿಲ್ಲ. ಕೆಲ ದಿನಗಳ ಹಿಂದೆ ಧರ್‌ ಜಿಲ್ಲೆಯಲ್ಲಿ  ಅಭ್ಯರ್ಥಿಗಳ ಎದೆಯ ಮೇಲೆ ಎಸ್‌ಸಿ, ಎಸ್‌ಟಿ ಮತ್ತು ಒಬಿಸಿ ಎಂದು ಬರೆದಿದ್ದು ವಿವಾದಕ್ಕೀಡಾಗಿತ್ತು.