50ಕ್ಕೂ ಹೆಚ್ಚು ಮರಗಳು ಧರೆಗೆ

ಬೆಂಗಳೂರು: ನಗರದಲ್ಲಿ ಬುಧವಾರ ಬಿರುಗಾಳಿಯೊಂದಿಗೆ ಸುರಿದ ಮಳೆಗೆ ನಗರದ ಹಲವೆಡೆ 50ಕ್ಕೂ ಹೆಚ್ಚು ಮರ ಹಾಗೂ ಮರದ ಕೊಂಬೆಗಳು ಮತ್ತು ಕೆಲವೆಡೆ ವಿದ್ಯುತ್‌ ಕಂಬಗಳು ಧರೆಗುರುಳಿವೆ. ಪ್ರಮುಖವಾಗಿ ಯಲಹಂಕ
ಭಾಗದಲ್ಲಿ ಜೋರಾದ ಗಾಳಿ ಬೀಸಿದರಿಂದಾಗಿ 40ಕ್ಕೂ ಹೆಚ್ಚು ಮರ ಹಾಗೂ ಮರದ ಕೊಂಬೆಗಳು ಉರುಳಿವೆ.

ಬಿಟಿಎಂ ಬಡಾವಣೆ, ಮಾಗಡಿ ರಸ್ತೆ, ವೈಯಾಲಿಕಾವಲ್‌ ಹಾಗೂ ಯಲಹಂಕ ವಲಯದ ಸಹಕಾರ ನಗರ, ಕೊಡಿಗೇ 
ಹಳ್ಳಿ, ವಿದ್ಯಾರಣ್ಯಪುರ, ಅಲ್ಲಾಲಸಂದ್ರ, ಯಲಹಂಕ ನ್ಯೂಟೌನ್‌, ಯಲಹಂಕ, ಕಟ್ಟಿಗೇನಹಳ್ಳಿ ಸೇರಿದಂತೆ ಹಲವೆಡೆ ಮರಗಳು ಉರುಳಿದ್ದು, ಯಾವುದೇ ಪ್ರಾಣಾಪಾಯ ಉಂಟಾಗಿಲ್ಲ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.