‘ಮೂಕಜ್ಜಿ’ಗೆ ಮಹಾನಗರದ ಮಾಲ್ ಗಳಲ್ಲಿ ಭರ್ಜರಿ ರೆಸ್ಪಾನ್ಸ್

ಬೆಂಗಳೂರು: ಜ್ಞಾನಪೀಠ ಪ್ರಶಸ್ತಿ ವಿಜೇತ ಸಾಹಿತಿ ಕಡಲತೀರದ ಭಾರ್ಗವ ಡಾ. ಶಿವರಾಮ ಕಾರಂತರ ಕಾದಂಬರಿ ಆಧಾರಿತ ಕನ್ನಡ ಚಲನಚಿತ್ರ ‘ಮೂಕಜ್ಜಿಯ ಕನಸುಗಳು’ ಇದೀಗ ಬಿಡುಗಡೆಗೊಂಡು ಚಿತ್ರಮಂದಿರಗಳಲ್ಲಿ ಪ್ರದರ್ಶನಗೊಳ್ಳುತ್ತಿದೆ.

ಪ್ರಶಸ್ತಿ ವಿಜೇತ ನಿರ್ದೇಶಕ ಪಿ. ಶೇಷಾದ್ರಿ ಅವರ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಚಿತ್ರ ಇದೀಗ ನಿಧಾನವಾಗಿ ಸಿನಿ ಪ್ರೇಕ್ಷಕರನ್ನು ತನ್ನತ್ತ ಸೆಳೆಯುತ್ತಿದೆ. ಈ ಕುರಿತಾಗಿ ಇಂದು ಟ್ವೀಟ್ ಒಂದನ್ನು ಮಾಡಿರುವ ನಿರ್ದೇಶಕ ಪಿ. ಶೇಷಾದ್ರಿ ಅವರು ‘ಮೂಕಜ್ಜಿ ಗೆದ್ದಳು’ ಇಂದಿನ ಜಯನಗರದ ಗರುಡ ಸ್ವಾಗತ್ ಮತ್ತು ರಾಜಾಜಿನಗರದ ಓರಿಯನ್ ಮಾಲ್ ಬುಕ್ಕಿಂಗ್ ಸ್ಟೇಟಸ್’ ಎಂದು ಅವಿಗಳ ಸ್ಕ್ರೀನ್ ಶಾಟ್ ಗಳನ್ನು ಹಂಚಿಕೊಂಡಿದ್ದಾರೆ.

ಈ ಸ್ಕ್ರೀನ್ ಗಳಲ್ಲಿ ಆದಿತ್ಯವಾರದ ಪ್ರದರ್ಶನಗಳು ಬಹುತೇಕ ಹೌಸ್ ಫುಲ್ ಆಗಿರುವುದು ‘ಮೂಕಜ್ಜಿ’ ಚಿತ್ರತಂಡವನ್ನು ಖುಷಿಯಾಗಿಸಿದೆ. ಒಂದೇ ದಿನ 45 ಸಿನೇಮಾಗಳು ಬಿಡುಗಡೆಗೊಂಡಿದ್ದರೂ, ಇವುಗಳ ಭರಾಟೆಯ ನಡುವೆ ಮೂಕಜ್ಜಿಗೆ ನಿಧಾನವಾಗಿಯಾದರೂ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಲಭಿಸುತ್ತಿರುವುದು ಆಶಾದಾಯಕ ಬೆಳವಣಿಗೆಯೇ ಸರಿ.