Moodbidri: ಬಾಂಗ್ಲಾದಲ್ಲಿ ಕೃಷ್ಣದಾಸ ಪ್ರಭು ಸೆರೆ: ಮೂಡುಬಿದಿರೆ ಭಟ್ಟಾರಕ ಶ್ರೀ ಖಂಡನೆ

ಮೂಡುಬಿದಿರೆ: ಬಾಂಗ್ಲಾದೇಶದಲ್ಲಿ ಹಿಂದೂ ಸಮಾಜದ ರಕ್ಷಣೆ ಮತ್ತು ಸಂಘಟನೆಗಾಗಿ ಪರಿಶ್ರಮಿಸುತ್ತಿರುವ ಪ್ರಮುಖ ನಾಯಕ ಇಸ್ಕಾನ್‌ ಸಂಸ್ಥೆಯ ಸಾಧು ಚಿನ್ಮಯ ಕೃಷ್ಣದಾಸ ಪ್ರಭು ಅವರ ಬಂಧನವನ್ನು ಅಂತಾರಾಷ್ಟ್ರೀಯ ಜೈನ ಫೋರಂನ ಪರಮ ಸಂರಕ್ಷಕ, ಮಾಡುಬಿದಿರೆಯ ಸ್ವಸ್ತಿ ಶ್ರೀಭಟ್ಟಾರಕ ಚಾರುಕೀರ್ತಿ ಪಂಡಿತಾಚಾರ್ಯ ವರ್ಯ ಸ್ವಾಮೀಜಿಯವರು ಖಂಡಿಸಿದ್ದಾರೆ.

ಧರ್ಮಕ್ಕಾಗಿ ನ್ಯಾಯೋಚಿತ ಹೋರಾಟ ಮಾಡುವ ಅಮಾಯಕರಿಗೆ ಭಯೋತ್ಪಾದಕರು ಎಂದು ಹಣೆ ಪಟ್ಟಿಕಟ್ಟುವುದು ಅಪರಾಧವಾಗಿದೆ. ಬಾಂಗ್ಲಾದ ನಮ್ಮ ಸಹೋದರರ ರಕ್ಷಣೆಗೆ ಭಾರತ ಸರಕಾರ ಶೀಘ್ರ ರಾಜ ತಾಂತ್ರಿಕ ಕ್ರಮ ಕೈಗೊಳ್ಳಬೇಕು ಎಂದು ಅವರು ಆಗ್ರಹಿಸಿದ್ದಾರೆ.