ಭಾರತದ ಆಟಗಾರರನ್ನು ಭೇಟಿಯಾದ ಮೊಹಮ್ಮದ್‌ ನಬಿ ಪುತ್ರ

ದುಬಾೖ: ಏಷ್ಯಾ ಕಪ್‌ ಕ್ರಿಕೆಟ್‌ ಪಂದ್ಯಾವಳಿ ಆಟಗಾರರ ನಡುವಿನ ಸೌಹಾರ್ದಕ್ಕೊಂದು ವೇದಿಕೆಯಾಗಿ ಗೋಚರಿಸಿದಂತಿದೆ. ಟೀಮ್‌ ಇಂಡಿಯಾದ ಮಾಜಿ ನಾಯಕ ವಿರಾಟ್‌ ಕೊಹ್ಲಿ ಮತ್ತು ಪಾಕಿಸ್ಥಾನ ಅಭಿಮಾನಿಗಳ ಮುಖಾಮುಖಿ , ಪಾಕ್‌ ಕ್ರಿಕೆಟಿಗರಾದ ಬಾಬರ್‌ ಆಜಂ ಮತ್ತು ಶಾಹೀನ್‌ ಶಾ ಅಫ್ರಿದಿ ಅವರನ್ನು ಕೊಹ್ಲಿ ಭೇಟಿಯಾದ ದೃಶ್ಯಾವಳಿ ಈಗಾಗಲೇ ವೈರಲ್‌ ಆಗಿದೆ.

ಇದೀಗ ಹಸನ್‌ ಖಾನ್‌ ಸರದಿ. ಈ ಕ್ರಿಕೆಟರ್‌ ಯಾರು ಎನ್ನುವಿರಾ? ಅಫ್ಘಾನಿಸ್ಥಾನ ತಂಡದ ನಾಯಕ ಮೊಹಮ್ಮದ್‌ ನಬಿ ಅವರ ಪುತ್ರ. 16 ವರ್ಷದ ಹಸನ್‌ ಖಾನ್‌ ಯುಎಇ ಕ್ರಿಕೆಟ್‌ ಅಕಾಡೆಮಿಯಲ್ಲಿ ಅಭ್ಯಾಸ ನಡೆಸುತ್ತಿದ್ದು, ಈ ವೇಳೆ ಟೀಮ್‌ ಇಂಡಿಯಾದ ಆಟಗಾರರನ್ನು ಭೇಟಿಯಾಗಿ ಸೆಲ್ಫಿ ತೆಗೆಸಿಕೊಂಡಿದ್ದಾರೆ. ವಿರಾಟ್‌ ಕೊಹ್ಲಿ, ಕೆ.ಎಲ್‌. ರಾಹುಲ್‌, ರಿಷಭ್‌ ಪಂತ್‌ ಜತೆ ತೆಗೆದ ಫೋಟೊಗಳನ್ನು ಹಸನ್‌ ಖಾನ್‌ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.