ಆಫ್ಘಾನ್‌ ಟಿ20 ತಂಡಕ್ಕೆ ನಬಿ ನಾಯಕ

ಕಾಬೂಲ್‌: ಅಫ್ಘಾನಿಸ್ಥಾನ ಟಿ20 ಕ್ರಿಕೆಟ್‌ ತಂಡದ ನೂತನ ನಾಯಕರಾಗಿ ಆಲ್‌ರೌಂಡರ್‌ ಮೊಹಮ್ಮದ್‌ ನಬಿ ಆಯ್ಕೆಯಾಗಿದ್ದಾರೆ.

ನಾಯಕತ್ವದ ಕುರಿತು ನಬಿ ಟ್ವಿಟರ್‌ನಲ್ಲಿ ಮಾಹಿತಿ ನೀಡಿದ್ದು, “ಈ ನಿರ್ಣಾಯಕ ಸಮಯದಲ್ಲಿ ಟಿ20 ಮಾದರಿಯಲ್ಲಿ ರಾಷ್ಟ್ರೀಯ ಕ್ರಿಕೆಟ್‌ ತಂಡದ ನಾಯಕತ್ವ ನನಗೆ ವಹಿಸಿರುವ ಅಫ್ಘಾನಿಸ್ಥಾನ ಕ್ರಿಕೆಟ್‌ ಮಂಡಳಿಯ ನಿರ್ಧಾರವನ್ನು ಗೌರವಿಸುತ್ತೇನೆ. ಟಿ20 ವಿಶ್ವಕಪ್‌ನಲ್ಲಿ ದೇಶ ಹೆಮ್ಮೆಪಡುವ ರೀತಿ ಪ್ರದರ್ಶನ ನೀಡುವ ಭರವಸೆ ತಂಡದ ಸದಸ್ಯರಲ್ಲಿದೆ’ ಎಂದಿದ್ದಾರೆ.

ಟಿ20 ವಿಶ್ವಕಪ್‌ಗಾಗಿ ಅಫ್ಘಾನಿಸ್ಥಾನ ತಂಡ ಪ್ರಕಟಿಸಿದ ಬಳಿಕ ರಶೀದ್‌ ಖಾನ್‌ ನಾಯಕತ್ವಕ್ಕೆ ರಾಜೀನಾಮೆ ನೀಡಿದ್ದರು.