ಮೋದಿ ಭೇಟಿ ಮಾಡಿದ ದೀದಿ: ಮಮತಾ ಬ್ಯಾನರ್ಜಿ ನಾಲ್ಕು ದಿನಗಳ ದೆಹಲಿ ಪ್ರವಾಸ

ನವದೆಹಲಿ: ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರು ಶುಕ್ರವಾರ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಭೇಟಿ ಮಾಡಿದ್ದಾರೆ. ಗುರುವಾರದಿಂದ ಒಟ್ಟು ನಾಲ್ಕು ದಿನಗಳ ಕಾಲ ದೆಹಲಿ ಪ್ರವಾಸದಲ್ಲಿರುವ ಅವರು ಮೋದಿ ಅವರೊಂದಿಗೆ ವಿವಿಧ ವಿಚಾರಗಳ ಬಗ್ಗೆ ಚರ್ಚೆ ಮಾಡಿದ್ದಾರೆ.

ಮುಖ್ಯವಾಗಿ ರಾಜ್ಯಕ್ಕೆ ಕೇಂದ್ರ ಸರ್ಕಾರದಿಂದ ಬರಬೇಕಾಗಿರುವ ಜಿಎಸ್‌ಟಿ ಬಾಕಿಯನ್ನು ಬಿಡುಗಡೆ ಮಾಡುವ ಬಗ್ಗೆ ಚರ್ಚೆ ನಡೆಸಿರುವುದಾಗಿ ತಿಳಿಸಲಾಗಿದೆ.

ಮನಗಾಣಿಸಿ ಪ್ಲೀಸ್‌: ಮಮತಾ ಬ್ಯಾನರ್ಜಿ ಮತ್ತು ಮೋದಿ ಅವರ ಭೇಟಿಯ ಬಗ್ಗೆ ಮೇಘಾಲಯದ ಮಾಜಿ ರಾಜ್ಯಪಾಲ ತಥಾಗತ್‌ ರಾಯ್‌ ತಕರಾರು ತೆಗೆದಿದ್ದಾರೆ. “ಮೋದಿ ಮತ್ತು ಮಮತಾ ಸೆಟ್ಟಿಂಗ್‌ ಇಂದಾಗಿ ಟಿಎಂಸಿಯ ಕಳ್ಳರು ಮತ್ತು ಬಿಜೆಪಿಯ ಕೊಲೆಗಡುಕರು ಆರೋಪ ಮುಕ್ತವಾಗುತ್ತಾರೆ. ನಿಮ್ಮ ನಡುವೆ ಸೆಟ್ಟಿಂಗ್‌ ಇಲ್ಲ ಎನ್ನುವುದಾದರೆ ಅದನ್ನು ಮನಗಾಣಿಸಿ ಕೊಡಿ’ ಎಂದು ಪ್ರಧಾನಿ ಅವರಿಗೆ ಕೇಳಿದ್ದಾರೆ.