ಲಂಡನ್‌ ರೇಸ್‌: ಹಿಂದೆ ಸರಿದ ಫ‌ರಾ

ಲಂಡನ್‌: ನಾಲ್ಕು ಬಾರಿಯ ಒಲಿಂಪಿಕ್ಸ್‌ ಚಾಂಪಿಯನ್‌, ಬ್ರಿಟನ್ನಿನ ಮೋ ಫ‌ರಾ ಮುಂಬರುವ ಲಂಡನ್‌ ಬಿಗ್‌ ಹಾಫ್ ರೇಸ್‌ನಿಂದ ಹಿಂದೆ ಸರಿದಿದ್ದಾರೆ. ಅಭ್ಯಾಸದ ವೇಳೆ ಗಾಯಾ ಳಾಗಿರುವುದೇ ಇದಕ್ಕೆ ಕಾರಣ.

“ನಾನು ಲಂಡನ್‌ ಓಟವನ್ನು ಎಷ್ಟು ಪ್ರೀತಿಸುತ್ತೇನೆ ಎಂಬುದು ಎಲ್ಲರಿಗೂ ಗೊತ್ತು. ಆದರೆ ಅಭ್ಯಾಸದ ವೇಳೆ ಗಾಯಾಳಾಗಿದ್ದೇನೆ. ನನ್ನ ಫಿಟ್‌ನೆಸ್‌ ನಿರೀಕ್ಷಿತ ಮಟ್ಟದಲ್ಲಿಲ್ಲ. ಮುಂಬರುವ ಬೇಸಗೆ ಓಟಗಳಿಗೆ ಫಿಟ್‌ ಆಗಿರುವುದು ನನ್ನ ಪ್ರಮುಖ ಉದ್ದೇಶ. ಹೀಗಾಗಿ ಲಂಡನ್‌ ಸ್ಪರ್ಧೆಯಿಂದ ಹಿಂದೆ ಸರಿಯುವುದು ಅನಿವಾರ್ಯವಾಗಿದೆ.

2021ರಲ್ಲಿ ಖಂಡಿತ ಪಾಲ್ಗೊಳ್ಳಲಿದ್ದೇನೆ’ ಎಂದು 36 ವರ್ಷದ, ಸೊಮಾಲಿಯಾ ಮೂಲದ ಓಟಗಾರ ಫ‌ರಾ
ಹೇಳಿದ್ದಾರೆ.

ಇಲ್ಲಿ ನಡೆದ ಹಿಂದಿನೆರಡು ಹಾಫ್ ಮ್ಯಾರಥಾನ್‌ನಲ್ಲಿ ಫ‌ರಾ ಚಾಂಪಿಯನ್‌ ಆಗಿದ್ದರು. ಈ ಬಾರಿಯ ಲಂಡನ್‌ ರೇಸ್‌ ಮಾ. ಒಂದರಂದು ನಡೆಯಲಿದೆ.