ಬೆಂಗಳೂರು ಮಿಜೋ ಪದವೀಧರೆಯ ಶವ ಪತ್ತೆ; ಇಬ್ಬರ ಸೆರೆ

ಐಜಾಲ್‌ : ಅಸ್ಸಾಂ ನ ಕಚಾರ್‌ ಜಿಲ್ಲೆಯ ಕೊಳವೊಂದರಲ್ಲಿ ಮಿಜೋ ಮಹಿಳೆಯೊಬ್ಬಳ ಮೃತ ದೇಹ ತೇಲುತ್ತಿರುವುದು ಪತ್ತೆಯಾಗಿದ್ದು ಪೊಲೀಸರು ಈ ಸಂಬಂಧ ಇಬ್ಬರನ್ನು ಬಂಧಿಸಿರುವುದಾಗಿ ಐಜಾಲ್‌ ಎಸ್‌ಪಿ ಸಿ ಲಾಲ್‌ಥನ್‌ಮಾವಿಯಾ ತಿಳಿಸಿದ್ದಾರೆ.

ಬೆಂಗಳೂರು ಕಾಲೇಜಿನಿಂದ ಈಚೆಗಷ್ಟೇ ಪದವಿ ಪಡೆದಿದ್ದ 26ರ ಹರೆಯದ ಮಿಜೋ ಮಹಿಳೆಯ ಶವ ಕಚಾರ್‌ ಜಿಲ್ಲೆಯ ಬಾಘಾ ಎಂಬಲ್ಲಿ ಕೊಳವೊಂದರಲ್ಲಿ ತೇಲುತ್ತಿದ್ದುದು ನಿನ್ನೆ ಬುಧವಾರ ಪತ್ತೆಯಾಗಿತ್ತು ಎಂದು ಎಸ್‌ಪಿ ಹೇಳಿದರು. 

ಮೃತ ಮಿಜೋ ಮಹಿಳೆಯು ಕಟ್ಟಡ ಕಾಮಗಾರಿಗಳನ್ನು ಖರೀದಿಸಿದ್ದ  ಹಾರ್ಡ್‌ ವೇರ್‌ ಅಂಗಡಿಯ ಮಾಲಕ ರಾಂಪಿ ಮತ್ತು ಆಕೆಯ ಕುಟುಂಬಕ್ಕೆ ಸೇರಿದ ಟ್ರಕ್ಕಿನ ಚಾಲಕ ಲಾಲ್‌ಮಿಂಗ್ಲಿಯಾನಾ ನನ್ನು ಪೊಲೀಸರು ಬಂಧಿಸಿರುವುದಾಗಿ ಎಸ್‌ಪಿ ತಿಳಿಸಿದ್ದಾರೆ.