ದಕ್ಷಿಣ ಆಫ್ರಿಕಾ ಪ್ರವಾಸ ಮಿಥಾಲಿ ಭಾರತ ತಂಡದ ನಾಯಕಿ

ಹೊಸದಿಲ್ಲಿ: ಮುಂದಿನ ತಿಂಗಳು ನಡೆಯಲಿರುವ ಮೂರು ಪಂದ್ಯಗಳ ಏಕದಿನ ಸರಣಿಗಾಗಿ ದಕ್ಷಿಣ ಆಫ್ರಿಕಾಕ್ಕೆ ಪ್ರವಾಸಗೈಯುವ ಭಾರತೀಯ ವನಿತಾ ಕ್ರಿಕೆಟ್‌ ತಂಡವನ್ನು ಮಿಥಾಲಿ ರಾಜ್‌ ಮುನ್ನಡೆಸಲಿದ್ದಾರೆ.  

ಫೆ. 5ರಿಂದ ಆರಂಭವಾಗುವ ಈ ಸರಣಿಗೆ 16 ಸದಸ್ಯರ ತಂಡವನ್ನು ಭಾರತೀಯ ಕ್ರಿಕೆಟ್‌ ಮಂಡಳಿ (ಬಿಸಿಸಿಐ) ಪ್ರಕಟಿಸಿದೆ. ಹರ್ಮನ್‌ಪ್ರೀತ್‌ ಕೌರ್‌ ಉಪನಾಯಕಿಯಾಗಿ ಕಾರ್ಯ ನಿರ್ವಹಿಸಲಿದ್ದಾರೆ. ಏಕದಿನ ಸರಣಿಯ ಬಳಿಕ ಐದು ಪಂದ್ಯಗಳ ಟ್ವೆಂಟಿ20 ಸರಣಿ ನಡೆಯಲಿದೆ. ಈ ಸರಣಿಗೆ ತಂಡವನ್ನು ಮುಂದಿನ ದಿನಗಳಲ್ಲಿ ಪ್ರಕಟಿಸಲಾಗುತ್ತದೆ.

ಭಾರತೀಯ ವನಿತಾ ತಂಡ: ಮಿಥಾಲಿ ರಾಜ್‌ (ನಾಯಕಿ), ಹರ್ಮನ್‌ಪ್ರೀತ್‌ ಕೌರ್‌ (ಉಪನಾಯಕಿ), ಸುಷ್ಮಾ ವರ್ಮ, ಏಕ್ತ ಬಿಷ್‌¤, ಸ್ಮತಿ ಮಂದನಾ, ಪೂನಂ ಯಾದವ್‌, ಪೂನಂ ರಾವುತ್‌, ರಾಜೇಶ್ವರಿ ಗಾಯಕ್‌ವಾಡ್‌, ಜೆಮಿಮಾ ರಾಡ್ರಿಗಸ್‌, ಜೂಲನ್‌ ಗೋಸ್ವಾಮಿ, ದೀಪ್ತಿ ಶರ್ಮ, ಶಿಖಾ ಪಾಂಡೆ, ಮೊನಾ ಮೆಶ್ರಾಮ್‌, ಪೂಜಾ ವಸ್ತ್ರಾಕರ್‌, ವೇದಾ ಕೃಷ್ಣಮೂರ್ತಿ, ತನಿತಾ ಭಾಟಿಯಾ.