ಕಾಣೆಯಾದ 500 ಮಕ್ಕಳ ವಿಳಾಸ ಆಧಾರ್‌ನಿಂದ ಪತ್ತೆ

ಹೊಸದಿಲ್ಲಿ: ಇತ್ತೀಚಿನ ತಿಂಗಳುಗಳಲ್ಲಿ ಕಾಣೆ ಯಾಗಿದ್ದ ಸುಮಾರು 500 ಮಕ್ಕಳನ್ನು ಅವರ ಆಧಾರ್‌ ಸಂಖ್ಯೆಯ ಸಹಾಯದಿಂದ ಪೋಷಕರಿಗೆ ತಲುಪಿಸಲಾಗಿದೆ ಎಂದು ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರದ (ಯುಐಡಿಎಐ) ಮುಖ್ಯಸ್ಥ ಅಜಯ್‌ ಭೂಷಣ್‌ ತಿಳಿಸಿದ್ದಾರೆ. 

ಗ್ಲೋಬಲ್‌ ಕಾನೆ#ರನ್ಸ್‌ ಆನ್‌ ಸೈಬರ್‌ ಸ್ಪೇಸ್‌ (ಜಿಸಿಸಿಎಸ್‌) ಎಂಬ ವಿಚಾರ ಸಂಕಿರಣದಲ್ಲಿ ಮಾತನಾಡಿದ ಅವರು, ಕಳೆದ ಕೆಲವು ತಿಂಗಳುಗಳ ಹಿಂದೆ ಅನಾಥಾಲಯ ಸೇರಿಕೊಂಡಿದ್ದ ಬಾಲಕನೊಬ್ಬನನ್ನು ಆಧಾರ್‌ ಕಾರ್ಡ್‌ಗಾಗಿ ಅರ್ಜಿ ಸಲ್ಲಿಸಲು ಕರೆದೊಯ್ಯಲಾಗಿತ್ತು. ಆಗ, ಆ ಬಾಲಕ ಅದಾಗಲೇ ಆಧಾರ್‌ ಹೊಂದಿರುವುದು ಗೊತ್ತಾಯಿತಲ್ಲದೆ, ಆತನ ಮನೆ ವಿಳಾಸವೂ ಪತ್ತೆಯಾಯಿತು. ಇದರಿಂದ ಆ ಬಾಲಕನನ್ನು ಆತನ ಮನೆಗೆ ಸೇರಿಸಲು ಸಹಾಯವಾಯಿತು ಎಂದರಲ್ಲದೆ ಆಧಾರ್‌ ಮೂಲಕ ಕಾಣೆಯಾಗಿದ್ದ ಹಲವಾರು ಮಕ್ಕಳಿಗೆ ನೆರವಾಗಿದೆ ಎಂದರು.