ನಾಶಿಕ್‌ : ನಾಪತ್ತೆಯಾಗಿದ್ದ ಬಾಲಕನ ಶವ ಬಾವಿಯಲ್ಲಿ ಪತ್ತೆ

ನಾಶಿಕ್‌ : ಮೂರು ದಿನಗಳ ಹಿಂದೆ ನಾಪತ್ತೆಯಾಗಿದ್ದ ಹತ್ತು ವರ್ಷ ಪ್ರಾಯದ ಬಾಲಕನ ಶವ ಇಲ್ಲಿಗೆ ಸಮೀಪದ ಬಾವಿಯೊಂದರಲ್ಲಿ ಪತ್ತೆಯಾಗಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. 

ಇದೊಂದು ಆತ್ಮಹತ್ಯೆಯ ಪ್ರಕರಣವಾಗಿರಬಹುದೆಂದು ಪೊಲೀಸಲು ಶಂಕಿಸಿದ್ದಾರೆ. ಐದನೇ ತರಗತಿಯ ವಿದ್ಯಾರ್ಥಿಯಾಗಿರುವ ಈ ಬಾಲಕ ಸೆ.26ರಂದು ಎಂದಿನಂತೆ ಶಾಲೆಗೆ ಹೋಗಿದ್ದ. ನಿತ್ಯವೂ ಶಾಲೆಗೆ ಹೋಗದ ಬಾಲಕನನ್ನು ಆತನ ತಾಯಿ ಅಂದು ತೀವ್ರವಾಗಿ ಗದರಿಸಿದ್ದಳು. 

ಹೂವಿನ ವ್ಯಾಪಾರ ಮಾಡಿಕೊಂಡಿರುವ ಬಾಲಕನ ಹೆತ್ತವರು ತಮ್ಮ ಮಗ ನಾಪತ್ತೆಯಾಗಿದ್ದಾನೆ ಎಂದು ದೂರು ದಾಖಲಿಸಿದ್ದರು. ಬಾಲಕನ ಶವ ವಡಾಲಾ-ಶಿವರ ಪ್ರದೇಶದಲ್ಲಿನ ಬಾವಿಯೊಂದರಲ್ಲಿ ನಿನ್ನೆ ಶುಕ್ರವಾರ ಪತ್ತೆಯಾಯಿತು. 

ಪೊಲೀಸರು ಆತ್ಮಹತ್ಯೆ ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ. ಬಾಲಕನ ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಿದ್ದಾರೆ.