ಮಿಸಸ್‌ ಯುನಿವರ್ಸಲ್‌ ಸ್ಪರ್ಧೆ: ಪದ್ಮಾ ಗಡಿಯಾರ್‌ ಆಯ್ಕೆ

ಉಡುಪಿ: ಮೆಕ್ಸಿಕೋದಲ್ಲಿ ನಡೆಯಲಿರುವ “ಸೌತ್‌ ಇಂಡಿಯಾ ಯುನಿವರ್ಸಲ್‌ 2019′ ಸೌಂದರ್ಯ ಸ್ಪರ್ಧೆಗೆ ಮೂಲತಃ ಉಡುಪಿಯವರಾಗಿದ್ದು ಪ್ರಸ್ತುತ ಆಸ್ಟ್ರೇಲಿಯಾದಲ್ಲಿ ನೆಲೆಸಿರುವ ಪದ್ಮಾ ಗಡಿಯಾರ್‌ ಆಯ್ಕೆಯಾಗಿದ್ದಾರೆ.

ಉಡುಪಿ ಅರುಣ್‌ ಶೆಣೈ ಮತ್ತು ಶಕುಂತಳಾ ಶೆಣೈ ದಂಪತಿಯ ಪುತ್ರಿ ಆಗಿರುವ ಪದ್ಮಾ ಅವರು ದಂತ ವೈದ್ಯೆಯಾಗಿದ್ದು ಆಸ್ಟ್ರೇಲಿಯಾದಲ್ಲಿ ಕ್ಲಿನಿಕ್‌ ಹೊಂದಿದ್ದಾರೆ. ಅವರ ಪತಿ ಕೂಡ ಅಲ್ಲಿಯೇ ವೈದ್ಯರಾಗಿದ್ದಾರೆ. ಪದ್ಮಾ ಅವರು ಉಡುಪಿಯ ಇಂದ್ರಾಳಿ ಆಂಗ್ಲ ಮಾಧ್ಯಮ ಶಾಲೆ, ಸೈಂಟ್‌ ಮೇರಿ ಚರ್ಚ್‌ ಸ್ಕೂಲ್‌, ಎಂಜಿಎಂ ಕಾಲೇಜು ಮತ್ತು ಮಂಗಳೂರಿನ ಯೆನಪೋಯ ಸಂಸ್ಥೆಗಳಲ್ಲಿ ಶಿಕ್ಷಣ ಪಡೆದಿದ್ದಾರೆ.