Mini Moon!;ಇದೇ 29ರಿಂದ ಭೂಮಿಗೆ ಬರಲಿದೆ ಹೊಸ ಅತಿಥಿ

ಹೊಸದಿಲ್ಲಿ:ಇದೇ ತಿಂಗಳಲ್ಲಿ ಭೂಮಿಯು ಅನಿರೀಕ್ಷಿತ ಅತಿಥಿಯೊಬ್ಬರನ್ನು ಎದುರುನೋಡಲಿದೆ. ಅದು ಬೇರೆ ಯಾರೂ ಅಲ್ಲ, ಹೊಸ ಚಂದಿರ! ಹೌದು, ಆ ಅತಿಥಿಯ ಹೆಸರು “ಮಿನಿ ಮೂನ್‌’. ಹಾಗಂತ ಅದು ಚಂದಿರನಲ್ಲ, 33 ಅಡಿಯ ಪುಟ್ಟ ಕ್ಷುದ್ರಗ್ರಹ. ಈ ಕ್ಷುದ್ರಗ್ರಹವು ಸೆ.29ರಿಂದ ನ.25ರವರೆಗೆ ಭೂಮಿ ಕಕ್ಷೆಯೊಳಗೆ ಆಗಮಿಸಲಿದೆ. ಇದಕ್ಕೆ 2024 ಪಿಟಿ5 ಎಂದು ಹೆಸರಿಡ ಲಾಗಿದೆ. ನ.25ರ ಬಳಿಕ ಭೂಮಿಯ ಕಕ್ಷೆಯಿಂದ ಹೊರಹೋಗಲಿರುವ ಇದು ಅನಂತರ ಆಗಮಿಸುವುದು 2055ರಲ್ಲಿ ಎಂದು ಖಗೋಳ ವಿಜ್ಞಾನಿಗಳು ಹೇಳಿದ್ದಾರೆ. ಭೂಮಿಯ ಗುರುತ್ವ ಬಲದಿಂದಾಗಿ ಇವುಗಳು ಅಲ್ಪಾವಧಿಗೆ ಭೂಕಕ್ಷೆಗೆ ಆಕರ್ಷಿಸಲ್ಪಡುತ್ತವೆ.