Advertisement

ಲಕ್ಷಾಂತರ ಆ್ಯಂಡ್ರಾಯ್ಡ್ ಫೋನ್‌ ಗಳಿಗೆ ಅಪಾಯ: Qualcomm chip ನಲ್ಲಿ ಭದ್ರತಾ ದೋಷ !

02:40 PM Aug 08, 2020 | Mithun PG |

ನವದೆಹಲಿ: ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ ಗಳಲ್ಲಿ ಬಳಸಲಾಗುವ ಕ್ವಾಲ್ಕಾಮ್‌ ಸ್ನ್ಯಾಪ್  ಡ್ರ್ಯಾಗನ್ ಚಿಪ್ ಜಾಗತಿಕವಾಗಿ 3 ಬಿಲಿಯನ್ ಬಳಕೆದಾರರನ್ನು ಅಪಾಯಕ್ಕೆ ಸಿಲುಕಿಸಿದೆ. ಚೆಕ್‌ ಪಾಯಿಂಟ್ ಭದ್ರತಾ ಸಂಶೋಧಕರು ಕ್ವಾಲ್ಕಾಮ್‌ ನ ಡಿಜಿಟಲ್ ಸಿಗ್ನಲ್ ಪ್ರೊಸೆಸರ್ (ಡಿಎಸ್‌ಪಿ) ಚಿಪ್‌ ಗಳಲ್ಲಿ 400ಕ್ಕೂ ಹೆಚ್ಚು ದೋಷಗಳನ್ನು ಕಂಡುಹಿಡಿದಿದ್ದಾರೆ.

Advertisement

ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಕ್ವಾಲ್ಕಾಮ್ ಚಿಪ್‌ ಗಳನ್ನು 40%ಕ್ಕಿಂತ ಹೆಚ್ಚಾಗಿ ಬಳಸಲಾಗುತ್ತದೆ. ಗೂಗಲ್, ಸ್ಯಾಮ್‌ಸಂಗ್, ಎಲ್ ಜಿ, ಶಿಯೋಮಿ ಮತ್ತು ಹೆಚ್ಚಿನ ಬ್ರಾಂಡ್‌ ಗಳ ಪ್ರೀಮಿಯಂ ಫೋನ್‌ ಗಳು ಇವುಗಳಲ್ಲಿ ಸೇರಿವೆ. ಚೆಕ್ ಪಾಯಿಂಟ್ ಭದ್ರತಾ ಸಂಶೋಧಕರು ಈ  ಚಿಪ್ ಗಳಲ್ಲಿ  400ಕ್ಕೂ ಅಧಿಕ  ದುರ್ಬಲ ಕೋಡ್ ಗಳನ್ನು ಕಂಡುಹಿಡಿದಿದ್ದಾರೆ.

ಈ ಕೋಡ್ ಗಳು ಹ್ಯಾಕರ್ ಗಳಿಗೆ ವರದಾನವಾಗಿದ್ದು ಬಳಕೆದಾರರಿಗೆ ತಿಳಿಯದಂತೆ ಸ್ಮಾರ್ಟ್‌ಫೋನ್ ಡೇಟಾ ಕದಿಯಲು ಮತ್ತು  ಬೇಹುಗಾರಿಕಾ ಸಾಧನವಾಗಿ ಪರಿವರ್ತಿಸಲು  ಅವಕಾಶ ನೀಡುತ್ತದೆ. ಅಂದರೇ ನಿಮ್ಮ ಮೊಬೈಲ್ ನಲ್ಲಿರುವ  ಫೋಟೋಗಳು, ವೀಡಿಯೊಗಳು, ಫೋನ್ ರೆಕಾರ್ಡಿಂಗ್‌ಗಳು, ಲೈವ್ ಸ್ಪೀಕರ್ , ಜಿಪಿಎಸ್ ಮತ್ತು ಲೋಕೇಷನ್  ಸೇರಿದಂತೆ ಎಲ್ಲವೂ ಹ್ಯಾಕರ್ ಗಳ ಪಾಲಾಗುತ್ತದೆ.

ಮಾತ್ರವಲ್ಲದೆ ಹ್ಯಾಕರ್‌ ಗಳು ಸ್ಮಾರ್ಟ್ ಫೋನ್ ಫ್ರೀಜ್ ಮಾಡುವ ಅವಕಾಶವೂ ಇದ್ದು  ಮಾಲ್‌ ವೇರ್ ಮತ್ತು ದುರುದ್ದೇಶಪೂರಿತ ಕೋಡ್ ಅನ್ನು  ಇನ್ ಸ್ಟಾಲ್ ಮಾಡಬಹುದು.

Advertisement

ಈ ಬಗ್ಗೆ ಮಾಹಿತಿ ನೀಡಿದ  ಚೆಕ್‌ ಪಾಯಿಂಟ್ ತಂಡ, ಈಗಾಗಲೇ ಸರ್ಕಾರಕ್ಕೆ ಮಾಹಿತಿ ತಿಳಿಸಲಾಗಿದ್ದು, ಸ್ಮಾರ್ಟ್ ಪೋನ್ ಗಳನ್ನು ಮತ್ತು ಬಳಕೆದಾರರನ್ನು ಸುರಕ್ಷಿತವಾಗಿಸಲು ನಾವು ಈ ಸಂಶೋಧನೆಯೊಂದಿಗೆ ಸಹಕರಿಸಿದ್ದೇವೆ. ಕ್ವಾಲ್ ಕ್ವಾಮ್ ಪ್ರೊಸೆಸ್ಸರ್ ಕಂಪೆನಿಗೂ ಮಾಹಿತಿ ನೀಡಲಾಗಿದ್ದು 6 ದೋಷಗಳನ್ನು ಸರಿಪಡಿಸಿದ್ದಾರೆ. ಸದ್ಯ ಆ್ಯಂಡ್ರಾಯ್ಡ್  ಸ್ಮಾರ್ಟ್ ಫೋನ್ ಗಳು ಸುರಕ್ಷಿತವಾಗಿದೆ ಎಂದಿದ್ದಾರೆ.

ಕ್ವಾಲ್ಕಾಮ್ ಚಿಪ್ ನ  ಭದ್ರತಾ ಲೋಪದೋಷಗಳು ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ಗಳ ಮೇಲೆ ಮಾತ್ರ ಪರಿಣಾಮ ಬೀರುತ್ತವೆ. ಆ್ಯಪಲ್ ತನ್ನದೇ ಆದ ಚಿಪ್‌ಗಳನ್ನು ಬಳಸುವುದರಿಂದ ಐಫೋನ್‌ ಗಳು ಸುರಕ್ಷಿತವಾಗಿವೆ. ಕ್ವಾಲ್ಕಾಮ್ ಹೊರತುಪಡಿಸಿದರೆ,  ಮೀಡಿಯಾ ಟೆಕ್ ಚಿಪ್‌ ಸೆಟ್‌ಗಳನ್ನು ಹೆಚ್ಚಾಗಿ ಆಂಡ್ರಾಯ್ಡ್ ಫೋನ್‌ ಗಳಲ್ಲಿ ಬಳಸಲಾಗುತ್ತದ!

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next