ಪೊಲೀಸ್‌ ಮಾಹಿತಿದಾರನೆಂದು ಶಂಕಿಸಿ ವ್ಯಕ್ತಿಯನ್ನು ಕೊಂದ ಉಗ್ರರು

ಇಂಫಾಲ: ಪೊಲೀಸ್‌ ಮಾಹಿತಿದಾರನೆಂದು ಶಂಕಿಸಿ ಉಗ್ರರು ವ್ಯಕ್ತಿಯೋರ್ವನನ್ನು ಗುಂಡಿಕ್ಕಿ ಸಾಯಿಸಿರುವುದಾಗಿ ಹಿರಿಯ ಪೊಲೀಸ್‌ ಅಧಿಕಾರಿ ತಿಳಿಸಿದ್ದಾರೆ.

ಝಿಲಿಯಾಂಗ್ರಾಂಗ್‌ ಯುನೈಟೆಡ್‌ ಫ್ರಂಟ್‌  ಸಂಘಟನೆಗೆ ಸೇರಿದ ಉಗ್ರರು ನೋನಿ ಜಿಲ್ಲೆಯ ಗೈರಿಲಾಂಗ್‌ ಲುವಾಂಗ್ರಾಂಗ್‌ ಗ್ರಾಮದಲ್ಲಿ ಲಾನ್‌ಶಿಂತೂಯಿ ಕಮೇಯಿ ಎಂಬ ವ್ಯಕ್ತಿಯನ್ನು ಗುಂಡಿಕ್ಕಿ ಕೊಂದರು. 

ಕಮೇಯಿ ರೈತನಾಗಿದ್ದು  ಆತ ಎಂದೂ ಪೊಲೀಸರ ಸಂಪರ್ಕದಲ್ಲಿ ಇರಲಿಲ್ಲ ಎಂದು ಆತನ ಮನೆಯವರು ಹೇಳಿದ್ದಾರೆ. ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.