Mexico; ಮೊದಲ ಮಹಿಳಾ ಅಧ್ಯಕ್ಷೆಯಾಗಿ ಕ್ಲೌಡಿಯಾ ಆಯ್ಕೆ

ಮೆಕ್ಸಿಕೋ ಸಿಟಿ: ಮೆಕ್ಸಿಕೋ ಅಧ್ಯಕ್ಷೀಯ ಚುನಾವಣೆಯಲ್ಲಿ ಎಡಪಂಥೀಯ ಮೊರೇನಾ ಪಾರ್ಟಿಯ ಕ್ಲೌಡಿಯಾ ಶೇನ್‌ಬೌಮ್‌ ಪಾರ್ದೋ ಗೆದ್ದು ಇತಿಹಾಸ ನಿರ್ಮಿಸಿದ್ದಾರೆ. ದೇಶದ ಮೊದಲ ಮಹಿಳಾ ಅಧ್ಯಕ್ಷೆ ಎಂಬ ಹೆಗ್ಗಳಿಕೆಗೆ ಅವರು ಪಾತ್ರರಾಗಿದ್ದಾರೆ.

ತಮ್ಮ ಸಮೀಪದ ಪ್ರತಿಸ್ಪರ್ಧಿ ಪಿಎಎನ್‌ ಪಕ್ಷದ ಝೊಸಿರೋ ಗಾಲ್ವೆಸ್‌ ಅವರ ನ್ನು ಭಾರೀ ಮತಗಳ ಅಂತರ ದಿಂದ ಅವರು ಸೋಲಿಸಿದ್ದಾರೆ. ವಿಜೇತ ಅಭ್ಯರ್ಥಿಗೆ ಶೇ.60.7 ಮತಗಳು ಪ್ರಾಪ್ತವಾಗಿವೆ ಎಂದು ಹೇಳಲಾಗಿದೆ. ಇಂಧನ ಕ್ಷೇತ್ರದಲ್ಲಿ ಎಂಜಿನಿಯರಿಂಗ್‌ ಪದವೀಧರೆಯಾಗಿರುವ ಅವರು, ಅದೇ ಕ್ಷೇತ್ರದಲ್ಲಿ ಪಿಎಚ್‌.ಡಿ. ಪದವಿ ಗಳಿಸಿದ್ದಾರೆ.