ಮೀಟರ್‌ ಟೆಸ್ಟಿಂಗ್‌: ಜಿಲ್ಲಾ ಪ್ರಯೋಗಾಲಯಕ್ಕೆ ರಾಷ್ಟ್ರೀಯ ಅಂಗೀಕಾರ

ಕಾಸರಗೋಡು: ರಾಜ್ಯ ಎಲೆಕ್ಟ್ರಿಕಲ್‌ ಇನ್‌ಸ್ಪೆಕ್ಟರೇಟ್‌ ವ್ಯಾಪ್ತಿಯ ಕಾಸರಗೋಡು ಜಿಲ್ಲಾಧಿಕಾರಿ ಕಚೇರಿಯಲ್ಲಿರುವ ಜಿಲ್ಲಾ ಮೀಟರ್‌ ಟೆಸ್ಟಿಂಗ್‌ ಆ್ಯಂಡ್‌ ಸ್ಟಾಂಡರ್ಡ್ಸ್‌ ಲೆಬೋರೆಟರಿಗೆ ಕೇಂದ್ರ ಸರಕಾರದ ಸಯನ್ಸ್‌ ಆ್ಯಂಡ್‌ ಟೆಕ್ನಾಲಜಿ ಇಲಾಖೆ ವ್ಯಾಪ್ತಿಯ ನ್ಯಾಷನಲ್‌ ಅಕ್ರಡಿಷನ್‌ ಲೆಬೋರೇಟರೀಸ್‌ (ಎನ್‌.ಎ.ಬಿ.ಎಲ್‌) ರಾಷ್ಟ್ರೀಯ ಮಟ್ಟದ ಅಂಗೀಕಾರ ಲಭಿಸಿದೆ.

ಪ್ರಯೋಗಾಲಯದ ವಿದ್ಯುತ್‌ ಬಳಕೆ ಗಣನೆ ಮಾಡುವ ಎನರ್ಜಿ ಮೀಟರ್‌ ಕಾಲಿಬರೇಷನ್‌ ವಿಭಾಗ ಈ ಅಂಗೀಕಾರಕ್ಕೆ ಅರ್ಹವಾಗಿದೆ. ಈ ಮೂಲಕ ಗ್ರಾಹಕರು ನಂಬುಗೆಯೊಂದಿಗೆ ಮನೆಗಳಲ್ಲಿ, ಇತರ ಸಂಸ್ಥೆಗಳಲ್ಲಿ ಎನರ್ಜಿ ಮೀಟರ್‌ ಕಾಲಿಬರೇಟ್‌ ನಡೆಸಬಹುದಾಗಿದೆ. ದಿಲ್ಲಿಯಲ್ಲಿ ಕೇಂದ್ರ ಕಚೇರಿ ಹೊಂದಿರುವ ಎನ್‌.ಎ.ಬಿ.ಎಲ್‌. ಮಂಡಳಿ ಪ್ರತಿನಿದಿಗಳು ಕಳೆದ ವರ್ಷ ಏಪ್ರಿಲ್‌ ತಿಂಗಳಲ್ಲಿ ಈ ಪ್ರಯೋಗಾಲಯಕ್ಕೆ ಆಗಮಿಸಿ ತಪಾಸಣೆ ನಡೆಸಿದ್ದರು. ಈಗ ಎನರ್ಜಿ ಮೀಟರ್‌ ಕಾಲಿಬರೇಶನ್‌ ಅಲ್ಲದೆ ಇಲೆಕ್ಟಿÅಕಲ್‌ ಉಪಕರಣಗಳಾದ ಇ.ಎಲ್‌.ಸಿ.ಬಿ., ಸಿ.ಎ., ಇಂಡಕ್ಷನ್‌ ಟೆಸ್ಟರ್‌ ಇತ್ಯಾದಿಗಳೂ ಈ ಪ್ರಯೋಗಾಲಯದಲ್ಲಿ ಚಟುವಟಿಕೆ ನಡೆಸುತ್ತಿವೆ.