ಅಪಾಯಕಾರಿ ಸ್ವಿಚ್‌ಬೋರ್ಡ್‌ ತೆರವುಗೊಳಿಸಿ ಹೊಸತು ಅಳವಡಿಸಿದ ಮೆಸ್ಕಾಂ

ಕಾರ್ಕಳ: ಪುರಸಭಾ ವ್ಯಾಪ್ತಿಯ ಕಲ್ಲೊಟ್ಟೆ ಸದ್ಭಾವನ ನಗರಕ್ಕೆ ಸಂಪರ್ಕಿಸುವ ರಸ್ತೆ ಬದಿ ಅಪಾಯಕಾರಿಯಾಗಿದ್ದ ಬೀದಿದೀಪದ ಸ್ವಿಚ್‌ಬೋರ್ಡ್‌ ಅನ್ನು ತೆರವುಗೊಳಿಸಿದ ಮೆಸ್ಕಾಂ ಇಲಾಖೆ ಹೊಸ ಸ್ವಿಚ್‌ಬೋರ್ಡ್‌ ಅಳವಡಿಸಿದೆ.

ಈ ಹಿಂದೆ ಮಕ್ಕಳ ಗೈಟುಕುವಂತಿದ್ದ ಸ್ವಿಚ್‌ಬೋರ್ಡ್‌ ಅನಾಹುತ ವನ್ನು ಆಹ್ವಾನಿಸು ವಂತಿದ್ದು, ಸ್ಥಳೀಯ ರನ್ನು ಆತಂಕಕ್ಕೀಡು ಮಾಡಿತ್ತು. ಇದೀಗ ಸ್ವಿಚ್‌ಬೋರ್ಡ್‌ ಬದಲಾವಣೆಯಿಂದ ನಿಟ್ಟುಸಿರುಬಿಡುವಂತಾಗಿದೆ.

ಉದಯವಾಣಿ ಫ‌ಲಶ್ರುತಿ
ಪುರಸಭೆಯ ಮೂರನೇ ವಾರ್ಡ್‌ ಕಲ್ಲೊಟ್ಟೆ ಪರಿಸರದಲ್ಲಿನ ಸ್ವಿಚ್‌ ಬೋರ್ಡ್‌ ತುಕ್ಕುಹಿಡಿದು ಬೀಳುವ ಸ್ಥಿತಿಯಲ್ಲಿತ್ತು. ಮಕ್ಕಳು, ಜಾನುವಾರು ಸ್ವಿಚ್‌ ಬೋರ್ಡ್‌ ಸ್ಪರ್ಶಿಸಿದ್ದಲ್ಲಿ ಅವಘಡ ಸಂಭವಿಸುವ ಸಾಧ್ಯತೆಯಿರುವ ಕುರಿತು ಉದಯವಾಣಿ ಪತ್ರಿಕೆ ಜೂ. 12ರಂದು ಚಿತ್ರ ಸಹಿತ ವರದಿ ಪ್ರಕಟಿಸಿ ಸಂಭ್ಯಾವ ಅಪಾಯವನ್ನು ತಪ್ಪಿಸುವಂತೆ ಎಚ್ಚರಿಸಿತ್ತು.

ವರದಿಗೆ ಸ್ಪಂದಿಸಿರುವ ಮೆಸ್ಕಾಂ ಇಲಾಖೆ ಹೊಸ ಸ್ವಿಚ್‌ ಬೋರ್ಡ್‌ ಅಳವಡಿಸಿ, ಸ್ಥಳೀಯರ ಆತಂಕವನ್ನು ದೂರ ಮಾಡಿದೆ.