Advertisement
ಇಂದೋರ್‌ ಟೆಸ್ಟ್‌ ಪಂದ್ಯದ ಮೊದಲ ದಿನದಾಟದ ಪ್ರಮುಖ ಆಕರ್ಷಣೆಯಾಗಿದ್ದ ನೂರ್‌ ಬಕ್ಷ್, ಬಾಂಗ್ಲಾದೇಶದ ಕಟ್ಟಾ ಕ್ರಿಕೆಟ್‌ ಅಭಿಮಾನಿ. ಕಳೆದ 15 ವರ್ಷಗಳಿಂದ ಬಾಂಗ್ಲಾ ತಂಡ ಹೋದಲ್ಲೆಲ್ಲ ಪಯಣ. ವಿಶ್ವ ಸಂಚಾರಿ. ಸದ್ಯ ಭಾರತದಲ್ಲಿ ಕ್ಯಾಂಪ್‌.
ನೂರ್‌ ಬಕ್ಷ್ ದೇಶಪ್ರೇಮಕ್ಕೆ ಮೂಲ ಕಾರಣ ಸೇನಾ ವೃತ್ತಿ. 1971ರ ಬಾಂಗ್ಲಾ ವಿಮೋಚನೆ ಯುದ್ಧದ ವೇಳೆ ಬಕ್ಷ್ ಸೇನೆಯಲ್ಲಿದ್ದರು. ಇಳಿ ವಯಸ್ಸಿನಲ್ಲೀಗ ಕ್ರಿಕೆಟ್‌ ವೀಕ್ಷಣೆಯನ್ನು ಹವ್ಯಾಸವನ್ನಾಗಿಸಿಕೊಂಡಿದ್ದಾರೆ. ತನಗೆ ಬರುತ್ತಿರುವ ಪಿಂಚಣಿ ಹಣವನ್ನು ದಿನನಿತ್ಯದ ವೆಚ್ಚಕ್ಕೆ ಬಳಸುತ್ತಾರೆ. ಕ್ರಿಕೆಟ್‌ ಪಂದ್ಯಗಳ ಟಿಕೆಟ್‌ ವ್ಯವಸ್ಥೆಯನ್ನೆಲ್ಲ ಬಾಂಗ್ಲಾ ಆಟಗಾರ ಮುಶ್ಫಿಕರ್‌ ರಹೀಂ ಮಾಡಿಕೊಡುತ್ತಾರೆ. “ಢಾಕಾದಿಂದ ರೈಲು ಹತ್ತಿ ಇದೀಗ ಇಂದೋರ್‌ಗೆ ಬಂದಿದ್ದೇನೆ. ಸೇನೆಯಲ್ಲಿದ್ದ ಕಾರಣ ಪ್ರಯಾಣದ ಟಿಕೆಟ್‌ ಮೊತ್ತದಲ್ಲಿ ರಿಯಾಯಿತಿ ಇದೆ. ರಹೀಂ ಎಲ್ಲ ಪಂದ್ಯಗಳ ಟಿಕೆಟ್‌ ಕೊಡಿಸುತ್ತಾರೆ. ಟಿಕೆಟ್‌ ಪಡೆಯಲು ತಂಡದ ಹೊಟೇಲ್‌ಗೆ ತೆರಳುತ್ತೇನೆ. ಬಾಂಗ್ಲಾವನ್ನು ಹುರಿದುಂಬಿಸುತ್ತೇನೆ’ ಎನ್ನುತ್ತಾರೆ ನೂರ್‌ ಬಕ್ಷ್.
Related Articles
Advertisement