ಅಂತಾರಾಷ್ಟ್ರೀಯ ಕೊರಿಯರ್‌ ಸಂಸ್ಥೆಯಾಗಿರುವ ಫೆಡ್‌ಎಕ್ಸ್‌ಗೆ ಸುಬ್ರಮಣಿಯನ್‌ ಸಿಇಒ

ನ್ಯೂಯಾರ್ಕ್‌: ಅಂತಾರಾಷ್ಟ್ರೀಯ ಕೊರಿಯರ್‌ ಸಂಸ್ಥೆಯಾಗಿರುವ ಫೆಡ್‌ಎಕ್ಸ್‌ಗೆ ಭಾರತ ಮೂಲದ ಅಮೆರಿಕನ್‌ ರಾಜ್‌ ಸುಬ್ರಮಣಿಯನ್‌ ಅವರು ಮುಖ್ಯ ಕಾರ್ಯ ನಿರ್ವಾಹಕ ಅಧಿಕಾರಿ(ಸಿಇಒ)ಯಾಗಿ ಆಯ್ಕೆಯಾಗಿದ್ದಾರೆ.

ಸಂಸ್ಥೆಯ ಸಂಸ್ಥಾಪಕರು ಮತ್ತು ಸಿಇಒ ಆಗಿದ್ದ ಫ್ರೆಡೆರಿಕ್‌ ಡಬ್ಲ್ಯೂ ಸ್ಮಿತ್‌ ಅವರು ಜೂನ್‌ 1ರಂದು ತಮ್ಮ ಸ್ಥಾನದಿಂದ ಕೆಳಗಿಳಿಯಲಿದ್ದು, ಆ ಸ್ಥಾನವನ್ನು ರಾಜ್‌ ಅವರು ತುಂಬಲಿದ್ದಾರೆ.

ಇದನ್ನೂ ಓದಿ:ಡಿಸಿಸಿ-ಅಪೆಕ್ಸ್‌ ಬ್ಯಾಂಕ್‌ ವಿಲೀನ: ಸಾಧಕ-ಬಾಧಕ ಅಧ್ಯಯನ ನಡೆಸಿ ಕೇಂದ್ರಕ್ಕೆ ಪ್ರಸ್ತಾವನೆ

ರಾಜ್‌ ಅವರು 2020ರಲ್ಲಿ ಫೆಡ್‌ಎಕ್ಸ್‌ನ ನಿರ್ದೇಶಕರ ಮಂಡಳಿ ಸದಸ್ಯರಾಗಿ ಆಯ್ಕೆಯಾಗಿದ್ದರು. ರಾಜ್‌ ಅವರು ತಿರುವನಂತಪುರ ಮೂಲದವರಾಗಿದ್ದು, ಐಐಟಿ ಬಾಂಬೆ ಯಲ್ಲಿ ಕೆಮಿಕಲ್‌ ಎಂಜಿನಿಯರಿಂಗ್‌ ಪದವಿ ಪಡೆದವರಾಗಿದ್ದಾರೆ. 1991ರಿಂದ ರಾಜ್‌ ಅವರು ಈ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿದ್ದಾರೆ.