ಸಲಾ ಹುಡುಕಾಟಕ್ಕೆ ಎಂಬಪ್ಪೆ 24 ಲಕ್ಷ ರೂ. ದೇಣಿಗೆ

ಜಾರ್ಜಿಯ: ಅರ್ಜೆಂಟೀನದ ಫ‌ುಟ್‌ಬಾಲ್‌ ಆಟಗಾರ ಎಮಿಲಿಯೊ ಸಲಾ ಅವರ ಹುಡುಕಾಟಕ್ಕೆ ಫ್ರೆಂಚ್‌ ಫ‌ುಟ್‌ಬಾಲ್‌ ತಾರೆ ಕಿಲಿಯನ್‌ ಎಂಬಾಪ್ಪೆ 34,000 ಡಾಲರ್‌ (24 ಲಕ್ಷಕ್ಕೂ ಅಧಿಕ) ದೇಣಿಗೆ ನೀಡಿ ಸುದ್ದಿಯಾಗಿದ್ದಾರೆ.

ಕಳೆದ ವಾರ ಫ್ರಾನ್ಸ್‌ನಿಂದ ಇಂಗ್ಲೆಂಡ್‌ನ‌ ಕಾರ್ಡಿಫ್ಗೆ ಖಾಸಗಿ ವಿಮಾನದಲ್ಲಿ ಪಯಣ ನಡೆಸುತ್ತಿದ್ದ ಎಮಿಲಿಯೊ ಸಲಾ ಕಾಣೆಯಾಗಿದ್ದರು. ಚಾನೆಲ್‌ ಐಲ್ಯಾಂಡ್‌ ಪೊಲೀಸರು ಹುಡುಕಾಟ ಮುಗಿಸಿ, ಹಿಂದೆ ಸರಿದಿದ್ದಾರೆ. ಈ ನಿರ್ಧಾರವನ್ನು ಟೀಕಿಸಿರುವ ಸಾರ್ವಜನಿಕರು ಖಾಸಗಿಯಾಗಿ ಹುಡುಕಾಟ ನಡೆಸಲು ತೀರ್ಮಾನಿಸಿದ್ದರು.

ಇವರ ಬೆಂಬಲಕ್ಕೆ ಅರ್ಜೆಂಟೀನ ಫ‌ುಟ್‌ಬಾಲ್‌ ದಂತಕಥೆ ಲಯೋನೆಲ್‌ ಮೆಸ್ಸಿಯೇ ನಿಂತಿದ್ದಾರೆ. ಖ್ಯಾತ ಫ‌ುಟ್‌ಬಾಲ್‌ ಆಟಗಾರರಾದ ಪ್ಯಾರಿಸ್‌ ಸೇಂಟ್‌ ಜರ್ಮೈನ್‌ನ ಅಡ್ರಿಯನ್‌ ರಾಬಿಯಾಟ್‌, ಮಾರ್ಸಿಲೆಸ್‌ನ ಡಿಮಿಟ್ರಿ ಪೆಯೆಟ್‌ ಈ ಪ್ರಯತ್ನಕ್ಕೆ ಬೆಂಬಲ ನೀಡಿ ದೇಣಿಗೆ ನೀಡಿದ್ದಾರೆ