ಇಂದೋರ್‌ ವಿದ್ಯುದಾಗರದಲ್ಲಿ ಬೆಂಕಿ ಅವಘಡ; ವಿದ್ಯುತ್‌ ಪೂರೈಕೆ ಸ್ಥಗಿತ

ಇಂದೋರ್‌ : ಇಲ್ಲಿನ ವಿದ್ಯುತ್‌ ಇಲಾಖೆಯ ವಿದ್ಯುದಾಗಾರದಲ್ಲಿನ ಟ್ರಾನ್ಸ್‌ಫಾರ್ಮರ್‌ಗೆ ನಿನ್ನೆ ಗುರವಾರ ತಡ ರಾತ್ರಿ ಬೆಂಕಿ ತಗಲಿ ಭಾರೀ ಅವಘಡ ಸಂಭವಿಸಿದ ಕಾರಣ ಇಡಿಯ ಇಂದೋರ್‌ ನಗರಕ್ಕೆ ವಿದ್ಯುತ್‌ ಪೂರೈಕೆ ತೀವ್ರವಾಗಿ ಬಾಧಿತವಾಯಿತು.

ಸುದ್ದಿ ತಿಳಿದೊಡನೆಯೇ ಧಾವಿಸಿ ಬಂದ ಅಗ್ನಿ ಶಾಮಕಗಳು ಬೆಂಕಿ ನಂದಿಸುವ ಕಾರ್ಯದಲ್ಲಿ ಇನ್ನೂ ತೊಡಗಿರುವುದಾಗಿ ತಿಳಿದುಬಂದಿದೆ.

ಟ್ರಾನ್ಸ್‌ಫಾರ್ಮರ್‌ಗೆ ತಾಗಿದ ಬೆಂಕಿ ಇಡಿಯ ವಿದ್ಯುದಾಗಾರಕ್ಕೆ ಕ್ಷಣಾರ್ಧದಲ್ಲಿ ಹಬ್ಬಿಕೊಂಡಿತು. ಬೆಂಕಿ ಅವಘಡಕ್ಕೆ ಕಾರಣವೇನೆಂದು ಇನ್ನೂ ನಿಖರವಾಗಿ ತಿಳಿದಿಲ್ಲ.