ಮಾರುತಿ ಗ್ರ್ಯಾಂಡ್‌ ವಿಟಾರಾ; ಹೈಬ್ರಿಡ್‌ ತಂತ್ರಜ್ಞಾನ ಹೊಂದಿರುವ ಕಾರು

ಮಾರುತಿ ಸುಜುಕಿ ಕಂಪೆನಿಯ ಗ್ರ್ಯಾಂಡ್‌ ವಿಟಾರಾ ಕಾರು ಇನ್ನು ಮುಂದೆ ಭಾರತದಲ್ಲೂ ಲಭ್ಯವಾಗಲಿದೆ.

ಹೊಸ ಮಧ್ಯಮ ಗಾತ್ರದ ಎಸ್‌ಯುವಿ ಆರಂಭಿಕ ದರವನ್ನು 10.45 ಲಕ್ಷ ರೂ.(ಎಕ್ಸ್‌ ಶೋರೂಂ) ಎಂದು ನಿಗದಿಪಡಿಸಲಾಗಿದೆ.

ಟಾಪ್‌ ಮಾಡೆಲ್‌ಗೆ 19.65 ಲಕ್ಷ ರೂ. ಆಗಲಿದೆ. ಈಗಾಗಲೇ ಗ್ರ್ಯಾಂಡ್‌ ವಿಟಾರಾಗೆ 57 ಸಾವಿರ ಬುಕಿಂಗ್‌ ಕೂಡ ಆಗಿದೆ.

ಹೈಬ್ರಿಡ್‌ ತಂತ್ರಜ್ಞಾನವನ್ನು ಹೊಂದಿರುವ ವಿಟಾರಾದ ಡ್ಯುಯೆಲ್‌ ಜೆಟ್‌, ಡ್ಯುಯೆಲ್‌ ವಿವಿಟಿ ಎಂಜಿನ್‌ನ ಮೈಲೇಜ್‌ ಲೀಟರ್‌ಗೆ 21.11 ಕಿ.ಮೀ. ಎಂದು ಕಂಪೆನಿ ಹೇಳಿದೆ.

360 ಡಿಗ್ರಿ ಪಾರ್ಕಿಂಗ್‌ ಕೆಮರಾ, ವೆಂಟಿಲೇಟೆಡ್‌ ಆಸನಗಳು ಸೇರಿದಂತೆ ಹತ್ತು ಹಲವು ಹೊಸ ಫೀಚರ್‌ಗಳು ಲಭ್ಯವಿರಲಿವೆ ಎಂದೂ ತಿಳಿಸಿದೆ.