ಧೋನಿ, ರೋಹಿತ್‌ರನ್ನು ಹಿಂದಿಕ್ಕಿದ ಮಾರ್ಟಿನ್‌ ಗಪ್ಟಿಲ್‌

ಮೌಂಟ್‌ ಮಾಂಗಾನುಯಿ: ಶ್ರೀಲಂಕಾ ವಿರುದ್ಧದ ಏಕದಿನ ಕ್ರಿಕೆಟ್‌ ಪಂದ್ಯದಲ್ಲಿ ನ್ಯೂಜಿಲೆಂಡ್‌ ಆರಂಭಿಕ ಬ್ಯಾಟ್ಸ್‌ಮನ್‌ ಮಾರ್ಟಿನ್‌ ಗಪ್ಟಿಲ್‌ (138 ರನ್‌) ಶತಕ ಸಿಡಿಸಿ ಗಮನ ಸೆಳೆದಿದ್ದಾರೆ. 

ಮಾತ್ರವಲ್ಲ ಏಕದಿನ ಕ್ರಿಕೆಟ್‌ನಲ್ಲಿ ಅತೀ ವೇಗದಲ್ಲಿ 6 ಸಾವಿರ ರನ್‌ ಗಡಿ ದಾಟಿ ಭಾರತದ ಮಾಜಿ ನಾಯಕ ಎಂ.ಎಸ್‌.ಧೋನಿ ಹಾಗೂ ರೋಹಿತ್‌ ಶರ್ಮ ದಾಖಲೆಯನ್ನು ಮುರಿದಿದ್ದಾರೆ. ಒಟ್ಟಾರೆ ಕಿವೀಸ್‌ನ  6ನೇ ಕ್ರಿಕೆಟಿಗ ಎನಿಸಿಕೊಂಡಿದ್ದಾರೆ. 157 ಇನಿಂಗ್ಸ್‌ಗಳಲ್ಲಿ ಗಪ್ಟಿಲ್‌ 6 ಸಾವಿರ ರನ್‌ ಪೂರೈಸಿದ್ದಾರೆ. ರೋಹಿತ್‌ ಶರ್ಮ 162 ಇನಿಂಗ್ಸ್‌ಗಳಲ್ಲಿ ಈ ಸಾಧನೆ ಮಾಡಿದ್ದರೆ ಧೋನಿ 166 ಇನಿಂಗ್ಸ್‌ಗಳಲ್ಲಿ ಮಾಡಿದ್ದರು. ದಕ್ಷಿಣ ಆಫ್ರಿಕಾದ ಹಾಶೀಮ್‌ ಆಮ್ಲ (123 ಇನಿಂಗ್ಸ್‌) ಮೊದಲ ಸ್ಥಾನದಲ್ಲಿದ್ದಾರೆ. ವಿರಾಟ್‌ ಕೊಹ್ಲಿ (136 ಇನಿಂಗ್ಸ್‌) ಎರಡನೇ ಸ್ಥಾನದಲ್ಲಿದ್ದಾರೆ.