ರೋಗಿಗಳ ಹಿತಕ್ಕಾಗಿ ಮದುವೆ ಮುಂದೂಡಿದ ಕೇರಳದ ವೈದ್ಯೆ

ಕಣ್ಣೂರು: ಪ್ರತಿಯೊಬ್ಬರ ಬದುಕಿನಲ್ಲೂ ಮದುವೆ ಅತಿ ಸಂಭ್ರಮದ ಘಟ್ಟ. ಆದರೆ, ಕೊರೊನಾ ವಿರುದ್ಧದ ಅಖಾಡದಲ್ಲಿರುವ ಕೇರಳದ ವೈದ್ಯೆ, ರೋಗಿಗಳ ಹಿತಕ್ಕಾಗಿ ಮದುವೆಯನ್ನೇ ಮುಂದೂಡಿದ್ದಾರೆ.

ಅಂದುಕೊಂಡಂತೆ ನಡೆದಿದ್ದರೆ, ಡಾ. ಶಿಫಾ ಮಂಗಳವಾರ, ಮೈತುಂಬಾ ಅಲಂಕಾರ ಮಾಡಿಕೊಂಡು, ಮದುವೆ ವಸ್ತ್ರದಲ್ಲಿ ಮಿಂಚುತ್ತಿರಬೇಕಿತ್ತು. ಆದರೆ, ಅವರು ಕಣ್ಣೂರಿನ ಪರಿಯಾರಂ ಮೆಡಿಕಲ್‌ ಕಾಲೇಜಿನಲ್ಲಿರುವ ಐಸೋಲೇಶನ್‌ ವಾರ್ಡ್‌ನಲ್ಲಿ ಪಿಪಿಇ ರಕ್ಷಣಾವಸ್ತ್ರ ಧರಿಸಿ, ರೋಗಿಗಳ ಆರೈಕೆಯಲ್ಲಿ ನಿರತರಾಗಿ ದ್ದಾರೆ. ಮದುವೆ ನನ್ನನ್ನು ಕಾಯಬಹುದು. ಆದರೆ, ಐಸೋ ಲೇಶನ್‌ ವಾರ್ಡ್‌ನಲ್ಲಿ ಸಾವು- ಬದುಕಿನೊಡನೆ ಹೋರಾಡುತ್ತಿರುವ ರೋಗಿಗಳು ನನ್ನನ್ನು ಕಾಯಲಾರರು’ ಎನ್ನುವ ಸ್ಫೂರ್ತಿಯ ಮಾತುಗಳನ್ನು ಅವರು ಆಡಿದ್ದಾರೆ. ಶಿಫಾ ಅವರಿಗೆ ದುಬೈನಲ್ಲಿನ ಉದ್ಯಮಿ ಜೊತೆ ವಿವಾಹ ನಿಯೋಜನೆಗೊಂಡಿತ್ತು. ರೋಗಿಗಳ ನಡುವೆ ಹಗಲಿರುಳು ಕಳೆಯುತ್ತಿರುವ ಮಗಳ ಈ ತ್ಯಾಗವನ್ನು ತಾಯಿ ಕೂಡ ಕೊಂಡಾಡಿದ್ದಾರೆ.