ಮನೆಯ ಹಿತ್ತಲಲ್ಲಿ ಗಾಂಜಾ ಬೆಳೆ : ಪೊಲೀಸರಿಂದ ಓರ್ವನ ಬಂಧನ, ಗಾಂಜಾ ಬೆಳೆ ವಶ!

ನರಗುಂದ : ತನ್ನ ಮನೆಯ ಹಿತ್ತಲಲ್ಲಿ ಗಾಂಜಾ ಬೆಳೆದ ವ್ಯಕ್ತಿಯನ್ನು ಪೊಲೀಸರು ವಶಕ್ಕೆ ಪಡೆದ ಘಟನೆ ನರಗುಂದ ತಾಲೂಕಿನ ಸುರಕೋಡ ನವಗ್ರಾಮದಲ್ಲಿ ಸೋಮವಾರ ನಡೆದಿದೆ.

ಬಂಧಿತ ವ್ಯಕ್ತಿಯನ್ನು ಮಕ್ತುಂಸಾಬ ಲಾಡಿ ಎನ್ನಲಾಗಿದ್ದು ಈತನಿಂದ ಸುಮಾರು 8 ಕೆ.ಜಿ ಗಾಂಜಾವನ್ನು ವಶಕ್ಕೆ ಪಡೆಯಲಾಗಿದೆ.

ಸುರಕೋಡಿನ ನವಗ್ರಾಮದಲ್ಲಿರುವ ತನ್ನ ಮನೆಯ ಹಿತ್ತಲಲ್ಲೇ ಆರೋಪಿ ಗಾಂಜಾ ಬೆಳೆಗಳನ್ನು ಬೆಳೆದಿದ್ದ ಎನ್ನಲಾಗಿದೆ.
ಆರೋಪಿ ಗಾಂಜಾ ಬೆಳೆ ಬೆಳೆಸಿದ ಕುರಿತು ಖಚಿತ ಮಾಹಿತಿ ಪಡೆದ ಡಿವೈಎಸ್ಪಿ ಶಿವಾನಂದ ಕಟಗಿ ನೇತೃತ್ವದಲ್ಲಿ ಸಿಪಿಐ ಡಿ.ಬಿ.ಪಾಟೀಲ ಹಾಗೂ ಪೊಲೀಸರ ತಂಡ ದಾಳಿ ನಡೆಸಿ ಗಾಂಜಾ ಹಾಗೂ ವ್ಯಕ್ತಿಯನ್ನು ವಶಕ್ಕೆ ಪಡೆದಿದ್ದಾರೆ.