Advertisement

ಆರ್ಥಿಕತೆಗೆ ಹೊಡೆತ: ಉಗ್ರತ್ವ ಹೆಚ್ಚಳ! ಯುವಕರ ಸೇರ್ಪಡೆಗೆ ಜೈಶ್‌, ಲಷ್ಕರ್‌ ಕುಮ್ಮಕ್ಕು

11:33 AM Sep 19, 2022 | Shreeram Nayak |

ಇಸ್ಲಾಮಾಬಾದ್‌: ಪಾಕಿಸ್ಥಾನದಲ್ಲಿ ಆರ್ಥಿಕತೆ ಅಧೋಗತಿ­ಯತ್ತ ಸಾಗಿದೆ. ಅದನ್ನೂ ಲೆಕ್ಕಿಸದ ಜೈಶ್‌-ಎ-ಮೊಹಮ್ಮದ್‌(ಜೆಇಎಂ), ಲಷ್ಕರ್‌-ಎ-ತಯ್ಯಬಾದಂತಹ ಉಗ್ರ ಸಂಘಟನೆಗಳು ಭಾರತದ ವಿರುದ್ಧ ಕುಕೃತ್ಯ ನಡೆಸಲು ಕುಮ್ಮಕ್ಕು ನೀಡುತ್ತಿರುವ ಅಂಶ ಬಯಲಾಗಿದೆ.

Advertisement

ಕರಾಚಿ, ಗುಜ್ರಾನ್‌ವಾಲಾ, ಸಿಯಾಲ್‌ಕೋಟ್‌, ಪೇಶಾವರ, ಮುಝಾಫ‌ರಾಬಾದ್‌ ಸೇರಿದಂತೆ ಹಲವು ಜಿಲ್ಲೆಗಳಲ್ಲಿ ಜೆಇಎಂನ ಜಿಮ್‌ಗಳಿದ್ದು,ಅದಕ್ಕೆ ಸೇರುವಂತೆ ಯುವಕರಿಗೆ ಉಗ್ರರು ಪುಸಲಾಯಿಸ­ಲಾರಂಭಿಸಿದ್ದಾರೆ.

ಜಿಮ್‌ನ ಯುವಕರನ್ನು ನಿಯಮಿತವಾಗಿ ಗಡಿ ನಿಯಂತ್ರಣ ರೇಖೆಯತ್ತ (ಎಲ್‌ಒಸಿ) ಕರೆತಂದು, ಅಲ್ಲಿನ ಪರಿಸ್ಥಿತಿಯನ್ನೂ ವಿವರಿಸಲಾ ಗುತ್ತಿದೆ. ಪಾಕ್‌ ಆಕ್ರಮಿತ ಕಾಶ್ಮೀರದಲ್ಲಿರುವ ಬಾಘ ಜಿಲ್ಲೆಯ ಗಂಗಾ ಛೋಟಿ ಪ್ರದೇಶದಲ್ಲಿ ಆ.5ರಿಂದ 11ರ ನಡುವೆ ವಿಶೇಷ ತರಬೇತಿಯನ್ನೂ ಈ ಉಗ್ರ ಸಂಘಟನೆ ಕೊಟ್ಟಿದೆ.

ವಿವಿಧ ಧಾರ್ಮಿಕ ಕೇಂದ್ರಗಳಿಗೆ ಜೆಇಎಂನ ಉಗ್ರರು ಭೇಟಿ ನೀಡುತ್ತಿದ್ದು, ಅಲ್ಲಿ ದ್ವೇಷ ಬಿತ್ತುತ್ತಿದ್ದಾರೆ. ಪ್ರವಾಹ ಪೀಡಿತ ಪ್ರದೇಶಗಳಲ್ಲಿ ನೆರವಾಗುವ ನೆಪದಲ್ಲಿ ದ್ವೇಷದ ಆದರ್ಶ ತುಂಬಿಸುವ ಪ್ರಯತ್ನವನ್ನು ಉಗ್ರರು ನಡೆಸುತ್ತಿದ್ದಾರೆ ಎಂಬುದೂ ಬೆಳಕಿಗೆ ಬಂದಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next