ಮನು ಬಾಕರ್‌ಗೆ ಒಲಿಂಪಿಕ್‌ ಟಿಕೆಟ್

ಹೊಸದಿಲ್ಲಿ: ಭಾರತದ ಯುವ ಶೂಟರ್‌ ಮನು ಬಾಕರ್‌ ಟೋಕಿಯೊ ಒಲಿಂಪಿಕ್‌ ಅರ್ಹತೆ ಸಂಪಾದಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಮ್ಯೂನಿಚ್‌ನಲ್ಲಿ ನಡೆಯುತ್ತಿರುವ ಐಎಸ್‌ಎಸ್‌ಎಫ್ ವಿಶ್ವಕಪ್‌ ಕೂಟದ 10 ಮೀ. ಏರ್‌ ಪಿಸ್ತೂಲ್ ಸ್ಪರ್ಧೆಯಲ್ಲಿ 4ನೇ ಸ್ಥಾನಿಯಾಗುವ ಮೂಲಕ ಮನು ಬಾಕರ್‌ ಈ ಅದೃಷ್ಟ ಒಲಿಸಿಕೊಂಡರು. ಫೈನಲ್ನಲ್ಲಿ ಮನು 201.0 ಅಂಕ ಸಂಪಾದಿಸಿದರು. ಆದರೆ ಪದಕಕ್ಕೆ ಗುರಿ ಇಡುವಲ್ಲಿ ವಿಫ‌ಲರಾದರು.ಇದು ಶೂಟಿಂಗ್‌ ವಿಭಾಗದಲ್ಲಿ ಭಾರತಕ್ಕೆ ಲಭಿಸಿದ 7ನೇ ಒಲಿಂಪಿಕ್‌ ಅರ್ಹತೆಯಾಗಿದೆ.