ಮಂಜೇಶ್ವರ:ರೈಲಿನ ಇಂಜಿನ್‌ ಢಿಕ್ಕಿ; ಮಗು ಸೇರಿ ಮೂವರು ಛಿದ್ರ 

ಮಂಜೇಶ್ವರ: ಇಲ್ಲಿನ ರೈಲು ನಿಲ್ದಾಣದ ಬಳಿ ಹಳಿ ದಾಟುತ್ತಿದ್ದ ವೇಳೆ ಏಕಾಏಕಿ ಬಂದ ರೈಲಿನ ಇಂಜಿನ್‌ ಢಿಕ್ಕಿಯಾಗಿ ಮಗು ಮತ್ತು ಇಬ್ಬರು ಮಹಿಳೆಯರು ದಾರುಣವಾಗಿ ಸಾವನ್ನಪ್ಪಿರುವ ಘಟನೆ ಬುಧವಾರ ಬೆಳಗ್ಗೆ ನಡೆದಿದೆ. 

ಮೃತರು ಪುಸೋಟು ಸತ್ಯಡ್ಕ ನಿವಾಸಿಗಳಾಗಿದ್ದು ಸಹೋದರಿಯರಾದ ಆಮೀನಾ(45)ಆಯೀಷಾ(42) ಮತ್ತು 3 ವರ್ಷದ ತಾಮಿಲ್‌ ಎನ್ನುವವರಾಗಿದ್ದಾರೆ. ತಾಮಿಲ್‌ ಆಯಿಷಾ ಪುತ್ರ. 

ರೈಲು ಇಂಜಿನ್‌ ಢಿಕ್ಕಿಯಾದ ತೀವ್ರತೆಗೆ ಮೂವರ ದೇಹ ಛಿದ್ರಗೊಂಡಿದೆ ಎಂದು ವರದಿಯಾಗಿದೆ. 

ಬ್ಯಾಂಕ್‌ಗೆ ತೆರಳಿ ಮನೆಗೆ ವಾಪಾಸಗುತ್ತಿದ್ದ ವೇಳೆ ಅವಘಡ ಸಂಭವಿಸಿದೆ. 

ಮಂಜೇಶ್ವರ ಪೊಲೀಸರು ಸ್ಥಳಕ್ಕಾಗಮಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.