ಇಂಪಾಲ: ಚುರಾಚಂದ್‌ಪುರ ಜಿಲ್ಲೆಯ ನ್ಯೂ ಲಮ್ಕಾದಲ್ಲಿ ಮುಖ್ಯಮಂತ್ರಿ ಎನ್‌ ಬಿರೇನ್ ಸಿಂಗ್ ಭಾಗವಹಿಸಲಿದ್ದ ಕಾರ್ಯಕ್ರಮವೊಂದರ ಸ್ಥಳವನ್ನು ಗುರುವಾರ ರಾತ್ರಿ ಗುಂಪೊಂದು ಧ್ವಂಸಗೊಳಿಸಿ ಬೆಂಕಿ ಹಚ್ಚಿದೆ.
ಸ್ಥಳೀಯ ಪೊಲೀಸರು ತ್ವರಿತವಾಗಿ ಕಾರ್ಯಪ್ರವೃತ್ತರಾಗಿ ಸ್ಥಳಕ್ಕೆ ದೊಡ್ಡ ಪ್ರಮಾಣದ ಹಾನಿಯಾಗುವ ಮೊದಲು ಗುಂಪನ್ನು ಚದುರಿಸಿದರು ಆದರೆ ನೂರಾರು ಸುಡುವ ಕುರ್ಚಿಗಳು ಕಂಡು ಬಂದಿವೆ.
ಶುಕ್ರವಾರ ಮಧ್ಯಾಹ್ನ ಬಿರೇನ್ ಸಿಂಗ್ ಉದ್ಘಾಟಿಸಲಿರುವ ನ್ಯೂ ಲಮ್ಕಾದಲ್ಲಿರುವ ಪಿಟಿ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್‌ನಲ್ಲಿ ಹೊಸದಾಗಿ ಸ್ಥಾಪಿಸಲಾದ ತೆರೆದ ಜಿಮ್ ಅನ್ನು ಗುಂಪು ಭಾಗಶಃ ಸುಟ್ಟು ಹಾಕಿ ದುಷ್ಕ್ರತ್ಯ ಮೆರೆದಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ತೆರೆದ ಜಿಮ್‌ನ ಉದ್ಘಾಟನೆ ಜೊತೆಗೆ, ಸದ್ಭಾವನಾ ಮಂಟಪದಲ್ಲಿ ಸ್ಥಳೀಯರು ಆಯೋಜಿಸಿರುವ ಮತ್ತೊಂದು ಸಮಾರಂಭದಲ್ಲಿ ಬಿರೇನ್ ಭಾಗವಹಿಸಲಿದ್ದರು. ಸ್ಥಳೀಯ ಬುಡಕಟ್ಟು ನಾಯಕರ ವೇದಿಕೆಯು ಚುರಚಂದಪುರವನ್ನು ಬೆಳಗ್ಗೆ 8 ರಿಂದ ಸಂಜೆ 4 ರವರೆಗೆ ಸಂಪೂರ್ಣ ಬಂದ್ ಮಾಡಲು ಕರೆ ನೀಡಿದ್ದರಿಂದ ಗುಂಪು ದಾಳಿ ನಡೆಸಲಾಗಿದೆ. ರೈತರು ಮತ್ತು ಇತರ ಬುಡಕಟ್ಟು ನಿವಾಸಿಗಳ ಮೀಸಲು ಅರಣ್ಯ ಪ್ರದೇಶಗಳನ್ನು ತೆರವುಗೊಳಿಸಲು ನಡೆಯುತ್ತಿರುವ ತೆರವು ಕಾರ್ಯಾಚರಣೆಯನ್ನು ಪ್ರತಿಭಟಿಸಿ ಸರ್ಕಾರಕ್ಕೆ ಪುನರಾವರ್ತಿತ ಜ್ಞಾಪಕ ಪತ್ರಗಳನ್ನು ಸಲ್ಲಿಸಿದ್ದರೂ, ಸರ್ಕಾರವು ಜನರ ಸಂಕಷ್ಟಗಳನ್ನು ಪರಿಹರಿಸುವಲ್ಲಿ ಇಚ್ಛೆ ಅಥವಾ ಪ್ರಾಮಾಣಿಕತೆಯ ಯಾವುದೇ ಲಕ್ಷಣವನ್ನು ತೋರಿಸಿಲ್ಲ” ಎಂದು ವೇದಿಕೆ ಹೇಳಿದೆ.
