Manipal ಸ್ಕೂಟರ್‌-ಕಾರು ಢಿಕ್ಕಿ: ಸವಾರರಿಗೆ ಗಾಯ

ಮಣಿಪಾಲ: ಸ್ಕೂಟರ್‌ಗೆ ಕಾರು ಢಿಕ್ಕಿ ಹೊಡೆದು ಸವಾರರು ಗಾಯಗೊಂಡ ಘಟನೆ ನಡೆದಿದೆ.

ಹೆರ್ಗದ ನಿವಾಸಿ ಲಲಿತಾ ನಾಯಕ್‌ ತನ್ನ ತಂಗಿ ಸಂಗೀತಾ ನಾಯಕ್‌ ಹಾಗೂ ಅವರ 4 ವರ್ಷದ ಮಗಳು ಅನ್ವಿ ಎ. ನಾಯಕ್‌ ಅವರನ್ನು ತನ್ನ ಸ್ಕೂಟರ್‌ನಲ್ಲಿ ಸಹ ಸವಾರರನ್ನಾಗಿ ಕೂರಿಸಿಕೊಂಡು ಹಿರಿಯಡ್ಕ- ಪರ್ಕಳ ಮಾರ್ಗವಾಗಿ ಬರುತ್ತಿರುವಾಗ ಕೆಳಪರ್ಕಳದ ಕೆನರಾ ಬ್ಯಾಂಕ್‌ ಎದುರು ತಲುಪುತ್ತಿದ್ದಂತೆ ಮಣಿಪಾಲ- ಹಿರಿಯಡ್ಕ ಮಾರ್ಗವಾಗಿ ಎದುರಿನಿಂದ ಬಂದ ಕಾರನ್ನು ಅದರ ಚಾಲಕ ಅತೀವೇಗದಿಂದ ಚಲಾಯಿಸಿಕೊಂಡು ಬಂದು ಸ್ಕೂಟರ್‌ಗೆ ಢಿಕ್ಕಿ ಹೊಡೆಸಿದ್ದ. ಪರಿಣಾಮ ಸ್ಕೂಟರ್‌ನಲ್ಲಿದ್ದವರೆಲ್ಲ ಗಾಯಗೊಂಡಿದ್ದಾರೆ.

ಮಣಿಪಾಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.