Niveus Mangalore Marathon 2024: ನ.10: ನೀವಿಯಸ್‌ ಮಂಗಳೂರು ಮ್ಯಾರಥಾನ್‌

ಮಂಗಳೂರು: ಮಂಗಳೂರು ರನ್ನರ್ಸ್‌ ಕ್ಲಬ್‌ ಆಶ್ರಯದಲ್ಲಿ “ನೀವಿಯಸ್‌ ಮಂಗಳೂರು ಮ್ಯಾರ ಥಾನ್‌- 2024′ ನ. 10ರಂದು ನಡೆಯಲಿದ್ದು, ಸುಮಾರು 5 ಸಾವಿರ ಮಂದಿ ಪಾಲ್ಗೊಳ್ಳುವರು ಎಂದು ಮ್ಯಾರಥಾನ್‌ ನಿರ್ದೇಶಕ ಅಭಿಲಾಷ್‌ ಡೊಮಿನಿಕ್‌ ತಿಳಿಸಿದ್ದಾರೆ.

ಗುರುವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, 8 ರಿಂದ 80 ವರ್ಷ ವಯೋಮಾನದವರು ಭಾಗವಹಿಸುವರು. 18 ರಾಜ್ಯಗಳು ಜಪಾನ್‌, ಇಥಿಯೋ ಪಿಯಾ, ಕೀನ್ಯಾ, ಸ್ವಿಜರ್‌ಲ್ಯಾಂಡ್‌ ಮತ್ತು ಸ್ಪೇನ್‌ನ 20ಕ್ಕೂ ಅಧಿಕ ಪ್ರತಿನಿಧಿ ಗಳು ಭಾಗವಹಿಸುವರು. ಮಂಗಳಾ ಸ್ಟೇಡಿಯಂನಿಂದ ನಸುಕಿನ 4 ಗಂಟೆಗೆ ಮ್ಯಾರಥಾನ್‌ ಆರಂಭವಾಗಲಿದ್ದು, 8ಗಂಟೆಗೆ ತಣ್ಣೀರುಬಾವಿವರೆಗೆ ಸಾಗಿ ಮುಗಿಯಲಿದೆ. ಜಿಲ್ಲಾಧಿಕಾರಿ, ನಗರ ಪೊಲೀಸ್‌ ಆಯುಕ್ತರು ಸಹಿತ ಹಲವು ಗಣ್ಯರು ಭಾಗವಹಿಸುವರು. ಮ್ಯಾರಥಾನ್‌ ಸಲುವಾಗಿ ನಗರ ಪೊಲೀಸ್‌ ಇಲಾಖೆ ಯಿಂದ ಸಂಚಾರ ವ್ಯವಸ್ಥೆಯನ್ನು ಮಾರ್ಪಾಡು ಗೊಳಿಸಲಾಗಿದೆ ಎಂದರು.

12 ಲಕ್ಷ ರೂ. ಬಹುಮಾನ

ಪೂರ್ಣ ಮ್ಯಾರಥಾನ್‌ (42.195 ಕಿ.ಮೀ), ಹಾಫ್‌ ಮ್ಯಾರಥಾನ್‌ (21.097 ಕಿ.ಮೀ), 10 ಕಿ.ಮೀ., 5 ಕಿ.ಮೀ., 2 ಕಿ.ಮೀ. ಗಮ್ಮತ್‌ ಓಟ ಮತ್ತು ವಿದ್ಯಾರ್ಥಿ ಓಟವಿದೆ. ಒಟ್ಟು 12 ಲಕ್ಷ ರೂ.ನಗದು ಬಹುಮಾನವನ್ನು ವಿವಿಧ ವಿಭಾಗಗಳಿಗೆ ನೀಡಲಾ ಗುವುದು. ಪೂರ್ಣ ಮ್ಯಾರಥಾನ್‌ ವಿಜೇತರಿಗೆ 35 ಸಾವಿರ ರೂ. ನಗದು ಬಹುಮಾನವಿರಲಿದೆ. ಮ್ಯಾರಥಾನ್‌ ನಿರ್ದೇಶಕರಾದ ರಮೇಶ್‌ ಬಾಬು, ನೀವಿಯಸ್‌ ಸೊಲ್ಯೂಷನ್ಸ್‌ ನಿರ್ದೇಶಕ ಅಭಿಷೇಕ್‌ ಹೆಗ್ಡೆ ಉಪಸ್ಥಿತರಿದ್ದರು.