Mangaluru ನವದುರ್ಗಾ ಟಿವಿಎಸ್‌: ಐಕ್ಯೂಬ್‌ ಎಲೆಕ್ಟ್ರಿಕ್‌ ಸ್ಕೂಟರ್‌ ಬಿಡುಗಡೆ

ಮಂಗಳೂರು: ಕೊಟ್ಟಾರಚೌಕಿಯಲ್ಲಿರುವ ನವದುರ್ಗಾ ಟಿವಿಎಸ್‌ ಮಳಿಗೆಯಲ್ಲಿ ನೂತನ ಐಕ್ಯೂಬ್‌ ಎಲೆಕ್ಟ್ರಿಕ್‌ ಸ್ಕೂಟರನ್ನು ಮಾರುಕಟ್ಟೆಗೆ ಬುಧವಾರ ಬಿಡುಗಡೆ ಮಾಡಲಾಯಿತು.

ತುಳು ರಂಗಭೂಮಿ ನಟ ನವೀನ್‌ ಡಿ. ಪಡೀಲ್‌ ಬಿಡುಗಡೆ ನೆರವೇರಿಸಿ ಮಾತನಾಡಿ, ನಾನು ಸ್ವತ್ಛ ಮಂಗಳೂರು ರಾಯಭಾರಿ ಯಾಗಿದ್ದವನು, ಸ್ವತ್ಛ ಹಾಗೂ ಮಾಲಿನ್ಯ ಪರಿಸರ ನಮ್ಮೆಲ್ಲರಿಗೂ ಅಗತ್ಯ, ಇಂತಹ ದ್ವಿಚಕ್ರ ವಾಹನದಿಂದ ಮಂಗಳೂರು ಮಾಲಿನ್ಯಮುಕ್ತವಾಗಲಿ ಎಂದು ಹಾರೈಸಿದರು.

ಕಡಿಮೆ ಖರ್ಚಿನಲ್ಲಿ ನಗರದೊಳಗೆ ಸಂಚರಿಸುವವರಿಗೆ ಇಂತಹ ಸ್ಕೂಟರ್‌ ಹೇಳಿ ಮಾಡಿಸಿದ್ದು, ನಾವು ಮರು ಮಾರಾಟದ ಮೌಲ್ಯ ನೋಡುತ್ತಾ ದ್ವಿಚಕ್ರ ವಾಹನ ಕೊಳ್ಳುವ ಅಭ್ಯಾಸ ಹಲವರಿಗೆ ಇದೆ. ಆದರೆ ಕಡಿಮೆ ವೆಚ್ಚದಲ್ಲಿ ಸುಂದರ ಸವಾರಿಗಾಗಿ ನಮಗಾಗಿ ನಾವು ವಾಹನ ಕೊಳ್ಳುವುದು ಲೇಸು ಎಂದರು. ನವದುರ್ಗಾದ ಆಡಳಿತ ನಿರ್ದೇಶಕರಾದ ಚಂದ್ರ ಕುಮಾರ್‌ ನಾಯಕ ಹಾಗೂ ಉದಯ ಕುಮಾರ್‌ ನಾಯಕ್‌ ಉಪಸ್ಥಿತರಿದ್ದರು.

25 ಮಂದಿ ನೂತನ ಐಕ್ಯೂಬ್‌ ಸ್ಕೂಟರ್‌ ಗ್ರಾಹಕರಿಗೆ ವಾಹನದ ಕೀಲಿ ಕೈಯನ್ನು ನವೀನ್‌ ಡಿ. ಪಡೀಲ್‌ ಹಸ್ತಾಂತರಿಸಿದರು.

ಐಕ್ಯೂಬ್‌ ವೈಶಿಷ್ಟ್ಯ
ಭಾರತದ ಗ್ರೀನ್‌ ಟು-ವೀಲರ್‌ ಆಫ್‌ ದಿ ಯಿಯರ್‌ ಪ್ರಶಸ್ತಿಗೆ ಪಾತ್ರವಾಗಿರುವ ಐಕ್ಯೂಬ್‌ 4.2 ಸೆಕೆಂಡ್‌ಗಳಲ್ಲಿ 40 ಕಿ.ಮೀ/ಪ್ರತೀ ಗಂಟೆ ವೇಗ ಪಡೆಯಬಲ್ಲದು. ಕ್ಯೂ ಪಾರ್ಕ್‌ ಅಸಿಸ್ಟೆಂಟ್‌ ಮೂಲಕ ರಿವರ್ಸ್‌ ಚಲಾಯಿಸಲು ನೆರವಾಗುತ್ತದೆ. ಒಮ್ಮೆ ಚಾರ್ಜ್‌ ಮಾಡಿದರೆ 145 ಕಿ.ಮೀ ಚಲಾಯಿಸ ಬಹು ದಾಗಿದೆ. ಪ್ಲಗ್‌ ಆ್ಯಂಡ್‌ ಪ್ಲೇ ಕ್ಯಾರಿ ಅಲಾಂಗ್‌ ಚಾರ್ಜರ್‌ ಹೊಂದಿದ್ದು ಎಲ್ಲೇ ಆದರೂ ನಿಲ್ಲಿಸಿ ಚಾರ್ಜ್‌ ಮಾಡಬಹುದು.

ಸ್ಮಾರ್ಟ್‌ ಎಲ್‌ಇಡಿ ಹೆಡ್‌ಲೈಟ್‌ ವಿತ್‌ ಡಿಆರ್‌ಎಲ್‌, 32 ಲೀಟರ್‌ ಸ್ಟೋರೇಜ್‌, 7 ಇಂಚಿನ ಮಲ್ಟಿಫಂಕ್ಷನಲ್‌ ಟಚ್‌ ಸ್ಕ್ರೀನ್‌ ಡ್ಯಾಶ್‌ಬೋರ್ಡ್‌, ಫಾಸ್ಟ್‌ ಚಾರ್ಜಿಂಗ್‌, ಅಲೆಕ್ಸಾ ಇಂಟಿಗ್ರೇಶನ್‌, ರಿಮೋಟ್‌ ವೆಹಿಕಲ್‌ ಇಮ್ಮೊಬಿಲೈಸರ್‌, ಕೀಲೆಸ್‌ ಅನ್‌ಲಾಕಿಂಗ್‌ನಂತಹ ವೈಶಿಷ್ಟ್ಯಗಳನ್ನು ಹೊಂದಿದೆ.