Advertisement
ರೈಲು ಸಂಖ್ಯೆ 06602/06601 ಮಂಗಳೂರು ಸೆಂಟ್ರಲ್‌- ಮಡಗಾಂವ್‌ ಜಂಕ್ಷನ್‌ ರೈಲು ಸದ್ಯ 14 ಜನರಲ್‌ ಮತ್ತು 2 ಎಸ್‌ಎಲ್‌ಆರ್‌ ಬೋಗಿಯೊಂದಿಗೆ ಸಂಚಾರ ಮಾಡುತ್ತಿದೆ. ಇದೀಗ ಈ ರೈಲಿಗೆ 2 ಜನರಲ್‌ ಬೋಗಿಯನ್ನು ಶಾಶ್ವತ ವ್ಯವಸ್ಥೆಯಡಿ ಸೇರಿಸಲಾಗಿದ್ದು ನ. 5ರಿಂದ 18 ಬೋಗಿಯೊಂದಿಗೆ ಸಂಚಾರ ಆರಂಭಿಸಿದೆ.
ಉಡುಪಿ: ಕುಮಟಾ-ಭಟ್ಕಳ-ರತ್ನಗಿರಿ ಮಧ್ಯೆ ಹಳಿ ನಿರ್ವಹಣೆ ಕಾಮಗಾರಿ ನಡೆಯುತ್ತಿರುವುದರಿಂದ ನ. 8ರಂದು ಹೊರಡುವ ಬೆಂಗಳೂರು-ಮುರ್ಡೇಶ್ವರ ಎಕ್ಸ್‌ಪ್ರೆಸ್‌ (16585) ಭಟ್ಕಳ ಮತ್ತು ಮುರ್ಡೇಶ್ವರ ಮಧ್ಯೆ ಸಂಚರಿಸುವುದಿಲ್ಲ. ನ. 9ರಂದು ಮುರ್ಡೇಶ್ವರ-ಬೆಂಗಳೂರು ಎಕ್ಸ್‌ಪ್ರೆಸ್‌ ರೈಲು (16586) ಮುರ್ಡೇಶ್ವರದ ಬದಲು ಭಟ್ಕಳ ನಿಲ್ದಾಣದಿಂದ ಪ್ರಯಾಣ ಆರಂಭಿಸಲಿದೆ.
ಹಾಗೆಯೇ ಕೊಚುವೇಲಿ-ಲೋಕಮಾನ್ಯ ತಿಲಕ್‌ ಎಕ್ಸ್‌ಪ್ರೆಸ್‌ ರೈಲು (22114) ನ. 9ರಂದು ಭಟ್ಕಳ ನಿಲ್ದಾಣದಲ್ಲಿ ಸುಮಾರು 20 ನಿಮಿಷ ನಿಲ್ಲಲಿದೆ. ನ. 9ರಂದು ಹೊರಡುವ ತಿರುವನಂತಪುರ ಸೆಂಟ್ರಲ್‌-ಲೋಕಮಾನ್ಯ ತಿಲಕ್‌ ನೇತ್ರಾವತಿ ಎಕ್ಸ್‌ಪ್ರೆಸ್‌ (16346) ರೈಲು ಉಡುಪಿ ಮತ್ತು ಕಂಕಾವಳಿ ನಿಲ್ದಾಣದ ಮಧ್ಯೆ ಸುಮಾರು ಎರಡೂವರೆ ಗಂಟೆ ನಿಲ್ಲಲಿದೆ ಎಂದು ಕೊಂಕಣ ರೈಲ್ವೇ ಪ್ರಕಟನೆ ತಿಳಿಸಿದೆ.