Mangaluru Airport ಮಂಗಳೂರಿನಲ್ಲಿ “ಏರ್‌ಪೋರ್ಟ್‌ ವಿಲೇಜ್‌’

ಮಂಗಳೂರು: ಪ್ರಯಾಣಿಕರು ಹಾಗೂ ವಿಮಾನ ನಿಲ್ದಾಣಕ್ಕೆ ಆಗಮಿಸುವ ಸಂದರ್ಶಕರಿಗೆ ಅನುಕೂಲ ಕಲ್ಪಿಸುವ ನಿಟ್ಟಿನಲ್ಲಿ ಮಂಗಳೂರು ವಿಮಾನ ನಿಲ್ದಾಣದಲ್ಲಿ “ಏರ್‌ಪೋರ್ಟ್‌ ವಿಲೇಜ್‌’ ಆರಂಭಿಸಲು ನಿರ್ಧರಿಸಲಾಗಿದೆ.

ಟರ್ಮಿನಲ್‌ ಒಳಭಾಗದಲ್ಲಿ ವಿವಿಧ ಅಂಗಡಿ, ಮಳಿಗೆಗಳು ಲಭ್ಯವಿದೆ. ಆದರೆ ಟರ್ಮಿನಲ್‌ ಹೊರಭಾಗದಲ್ಲಿ ಬೃಹತ್‌ ಸ್ವರೂಪದಲ್ಲಿ ಮಳಿಗೆಗಳ ಲಭ್ಯತೆ ಸದ್ಯ ಇಲ್ಲ. ಇದಕ್ಕಾಗಿ “ಮಾಲ್‌’ ಮಾದರಿಯಲ್ಲಿ ಗ್ರಾಹಕರಿಗೆ ಆವಶ್ಯಕ ಎಲ್ಲ ವ್ಯವಸ್ಥೆಗಳನ್ನು ಒಂದೇ ಸೂರಿನಡಿ ಕಲ್ಪಿಸಲು ನಿರ್ಧರಿಸಲಾಗಿದೆ.

ತಿಂಡಿ ತಿನಿಸು, ಗೇಮ್ಸ್‌ ತಾಣ ಸಹಿತ ಮಾಲ್‌ಗ‌ಳಲ್ಲಿ ಇರುವಂತೆ ಎಲ್ಲ ವ್ಯವಸ್ಥೆಗಳನ್ನು ಇಲ್ಲಿ ಪರಿಚಯಿಸಲಾಗುತ್ತದೆ ಎಂದು ಮೂಲಗಳು ತಿಳಿಸಿವೆ.