Mangaluru ಡ್ರಗ್ಸ್ ಸೇವನೆ ಆರೋಪ; ಇಬ್ಬರ ಸೆರೆ‌

ಮಂಗಳೂರು: ಅತ್ತಾವರ ಕಟ್ಟೆ ಹಾಗೂ ಕೊಟ್ಟಾರಚೌಕಿಯಲ್ಲಿ ಡ್ರಗ್ಸ್‌ ಸೇವಿಸಿದ ಇಬ್ಬರು ಯುವಕರನ್ನು ಪೊಲೀಸರು ಬಂಧಿಸಿದ್ದಾರೆ.

ಅತ್ತಾವರ ಕಟ್ಟೆ ಬಳಿ ಬೋಂದೆಲ್‌ ಚರ್ಚ್‌ ಬಳಿಯ ನಿವಾಸಿ ವೈಷ್ಣವ್‌ (24) ಅಮಲು ಪದಾರ್ಥ ಸೇವಿಸಿ ತೂರಾಡುತ್ತಿದ್ದು, ಪೊಲೀಸರು ಆತನನ್ನು ವಶಕ್ಕೆ ಪಡೆದು ವೈದ್ಯಕೀಯ ಪರೀಕ್ಷೆಗೊಳಪಡಿಸಿದಾಗ ಗಾಂಜಾ ಸೇವನೆ ಮಾಡಿರುವುದು ದೃಢಪಟ್ಟಿದೆ. ಈ ಬಗ್ಗೆ ಪಾಂಡೇಶ್ವರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇನ್ನೊಂದು ಪ್ರಕರಣದಲ್ಲಿ ಕೊಟ್ಟಾರಚೌಕಿಯಲ್ಲಿ ಪುತ್ತೂರು ರೆಂಜಿಲಾಡಿಯ ಬಾಂತಾಜೆ ನಿವಾಸಿ ರಿತೇಶ್‌ (22) ತೂರಾಡುತ್ತಿದ್ದವನನ್ನು ಗಸ್ತು ನಿರತ ಬಂದರು ಪೊಲೀಸರು ವಶಕ್ಕೆ ಪಡೆದು ವೈದ್ಯಕೀಯ ಪರೀಕ್ಷೆಗೊಳಪಡಿಸಿದ್ದಾರೆ.

ಈ ಸಂದರ್ಭ ಆತ ಮಾದಕ ದ್ರವ್ಯ ಸೇವನೆ ಮಾಡಿರುವುದು ದೃಢಪಟ್ಟಿದೆ.