Mangaluru: ಒನ್‌ ನೇಶನ್‌-ಒನ್‌ ಡೆಸ್ಟಿನೇಶನ್‌ಗೆ ಮಂಗಳೂರಿನ ತಣ್ಣೀರುಬಾವಿ ಬೀಚ್‌

ಮಂಗಳೂರು: ಒನ್‌ ನೇಶನ್‌-ಒನ್‌ ಡೆಸ್ಟಿನೇಶನ್‌ಗೆ ಆಯ್ಕೆಯಾಗಿರುವ ಮಂಗಳೂರು ತಣ್ಣೀರುಬಾವಿಯ ಬ್ಲೂಫ್ಲ್ಯಾಗ್‌ ಬೀಚ್‌ನ ಕಾಮಗಾರಿಗಳು ಪೂರ್ಣಗೊಂಡಿದ್ದು ಅದರ ಮುಂದಿನ 10 ವರ್ಷದ ನಿರ್ವಹಣೆಗಾಗಿ ಟೆಂಡರ್‌ ಅಂತಿಮ ಹಂತದಲ್ಲಿದೆ ಎಂದು ಜಿಲ್ಲಾಧಿಕಾರಿ ಮುಲ್ಲೈ ಮುಗಿಲನ್‌ ಅವರು ತಿಳಿಸಿದ್ದಾರೆ.

ನಗರದಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ಅವರು ಮಾತನಾಡಿ, ತಣ್ಣೀರು ಬಾವಿಯ ಮತ್ತೂಂದು ಬೀಚ್‌ ನಿರ್ವಹಣೆಯ ಟೆಂಡರ್‌ ಕೂಡ ಶೀಘ್ರ ಕರೆಯ ಲಾಗುವುದು ಎಂದರು.

ಬ್ಲೂಫ್ಲಾÂಗ್‌ ಬೀಚ್‌ಗೆ ಕೇಂದ್ರ ಅರಣ್ಯ, ಪರಿಸರ ಮತ್ತು ಹವಾಮಾನ ಬದಲಾವಣೆ ಸಚಿವಾಲಯದದಿಂದ 7.59 ಕೋಟಿ ರೂ. ಹಾಗೂ ಮಂಗಳೂರು ಸ್ಮಾರ್ಟ್‌ಸಿಟಿಯಿಂದ 7 ಕೋಟಿ ರೂ. ಖರ್ಚು ಮಾಡಲಾಗಿದೆ. ಹಲವಾರು ಸೌಲಭ್ಯಗಳನ್ನು ಒದಗಿಸಲಾಗಿದೆ. ಹಾಗಾಗಿ ನಿರ್ವಹಣೆ ಗುತ್ತಿಗೆದಾರರು ಮೊದಲ ವರ್ಷ 50 ಲಕ್ಷದಿಂದ ತೊಡಗಿ 10ನೇ ವರ್ಷಕ್ಕೆ 2 ಕೋಟಿ ರೂ. ನೀಡಬೇಕಾಗುತ್ತದೆ. ಅಲ್ಲದೆ ಜಿಲ್ಲೆಯ ಪ್ರವಾಸೋದ್ಯಮ ಸಮಿತಿ ನಿಗದಿಪಡಿಸಿದ ಪ್ರವೇಶ ದರವನ್ನೇ ಅಳವಡಿಸಿಕೊಳ್ಳಬೇಕಾಗುತ್ತದೆ ಎಂದರು.

ಇದಲ್ಲದೆ ತಣ್ಣೀರುಬಾವಿಯ ಮೊದಲ ಬೀಚ್‌ ಗುತ್ತಿಗೆ ಅವಧಿಯೂ ಪೂರ್ಣಗೊಳ್ಳುತ್ತ ಬಂದಿದ್ದು, ಹೊಸ ನಿರ್ವಹಣ ಗುತ್ತಿಗೆಗೆ ಶೀಘ್ರ ಟೆಂಡರ್‌ ಆಹ್ವಾನಿ ಸಲಾಗುವುದು ಎಂದರು.