ಮಂಗಳೂರು: ಇಕೋ ಬ್ಯಾಗ್ಸ್ ತಯಾರಿಕಾ ಘಟಕಕ್ಕೆ ಅಧಿಕಾರಿಗಳ ದಾಳಿ

ಮಂಗಳೂರು: ನಗರದಲ್ಲಿ ಪ್ಲಾಸ್ಟಿಕ್ ನಿಷೇಧ ಕುರಿತಂತೆ ಕಟ್ಟು ನಿಟ್ಟಿನ ಕ್ರಮ ಕೈಗೊಂಡಿದ್ದು, ಈ ನಿಟ್ಟಿನಲ್ಲಿ ಅಧಿಕಾರಿಗಳ ತಂಡ ಮುಳಿಹಿತ್ಲುವಿನ ಇಕೋ ಬ್ಯಾಗ್ಸ್ ತಯಾರಿಕಾ ಘಟಕಕ್ಕೆ ಶನಿವಾರದಂದು ದಾಳಿ ನಡೆಸಿತು.

ಈ ದಾಳಿಯ ಸಂದರ್ಭದಲ್ಲಿ ರೂ.1.25 ಲಕ್ಷ ಮೌಲ್ಯದ 740 ಕೆ.ಜಿ. ನಿಷೇಧಿತ ನಾನ್ ಓವನ್ ಪಾಲಿಪ್ರೊಪೈಲೀನ್ ಬ್ಯಾಗ್ ಗಳನ್ನು ವಶಪಡಿಸಿಕೊಂಡಿದ್ದು, ರೂ.10,000 ದಂಡ ವಿಧಿಸಲಾಗಿದೆ. ಈ ಸಂದರ್ಭದಲ್ಲಿ ಅಧಿಕಾರಿಗಳಾದ ಶಬರಿನಾಥ್ ರೈ, ಕರುಣಾಕರ್, ಭರತ್, ಯಶವಂತ್, ರಕ್ಷೀತಾ, ಕೀರ್ತಿ ಕುಮಾರ್, ವಿವೇಕ್ ಹಾಜರಿದ್ದರು.