ಮಂಗಳೂರು ಕೆಪಿಟಿ ಜಂಕ್ಷನ್: ಟ್ರಾಫಿಕ್ ಸಿಗ್ನಲ್ ಲೈಟ್ ಮತ್ತೆ ಆರಂಭ

ಮಂಗಳೂರು: ನಗರದ ಸಂಚಾರ ವ್ಯವಸ್ಥೆಯಲ್ಲಿ ಮತ್ತೊಂದು ಪ್ರಮುಖ ಬದಲಾವಣೆ ಮಾಡಲಾಗಿದೆ. ಮುಖ್ಯ ಜಂಕ್ಷನ್ ಗಳಲ್ಲಿ ಒಂದಾದ ಕೆಪಿಟಿ ಜಂಕ್ಷನ್ ನಲ್ಲಿ ಸಿಗ್ನಲ್ ಲೈಟ್ ವ್ಯವಸ್ಥೆ ಪುನರಾರಂಭಗೊಂಡಿದೆ.

ರಾಷ್ಟ್ರೀಯ ಹೆದ್ದಾರಿ 66 ಹಾದು ಹೋಗುವ ಈ ಜಂಕ್ಷನ್ ವಾಹನ ದಟ್ಣಣೆಯಿಂದ ಕೂಡಿದ್ದು ಸುಗಮ ಸಂಚಾರಕ್ಕೆ ತೊಡಕಾಗಿತ್ತು. ಹಲವಾರು ಬಾರಿ ಅಪಘಾತಗಳು ಕೂಡ ಸಂಭವಿಸಿದವು. ಒಂದೊಮ್ಮೆ ಇಲ್ಲಿ ಸಿಗ್ನಲ್ ಲೈಟ್ ಇತ್ತು. ಅನಂತರ ಸ್ಥಗಿತಗೊಂಡಿತ್ತು. ಇದೀಗ ಮತ್ತೆ ಆರಂಭಿಸಲಾಗಿದೆ.

ಪ್ರಾಯೋಗಿಕವಾಗಿ ಆರಂಭಿಸಲಾದ ಈ ಸಿಗ್ನಲ್ ವ್ಯವಸ್ಥೆ ಚಾಲಕರಲ್ಲಿ ಗೊಂದಲ ಮೂಡಿಸುತ್ತಿದೆ. ಹೆದ್ದಾರಿಯಲ್ಲೇ ನೇರವಾಗಿ ಸಾಗುವ ವಾಹನಗಳಿಗೆ 2 ನಿಮಿಷ, ಇನ್ನೊಂದು ಬದಿಯ ವಾಹನಗಳಿಗೆ ಒಂದು‌ ನಿಮಿಷ ನಿಗದಿ ಪಡಿಸಲಾಗಿದೆ. ಸದ್ಯ ಸಂಚಾರಿ ಪೊಲೀಸರು ಕೂಡ ಸ್ಥಳದಲ್ಲಿದ್ದು ಸೂಚನೆ ನೀಡುತ್ತಿದ್ದಾರೆ. ಒಂದು ವಾರದೊಳಗೆ ಗೊಂದಲ ಬಗೆಹರಿದು ಸಂಚಾರ ಸುಗಮ ಸುರಕ್ಷಿತವಾಗಬಹುದು ಎಂಬುದು ಪೊಲೀಸರ ನಿರೀಕ್ಷೆ.