ಮಂಗಳೂರು: ಇಸ್ಪೀಟು ಜುಗಾರಿ: 7 ಮಂದಿ ವಶಕ್ಕೆ

ಮಂಗಳೂರು: ಸಾರ್ವಜನಿಕ ಸ್ಥಳದಲ್ಲಿ ಇಸ್ಪೀಟು ಜುಗಾರಿ ಆಟ ಆಡುತ್ತಿದ್ದ 7 ಮಂದಿಯನ್ನು ಬಂದರು ಪೊಲೀಸರು ಬಂಧಿಸಿದ್ದಾರೆ.

ರವಿವಾರ ಮಧ್ಯಾಹ್ನ 2.30ಕ್ಕೆ ಮಂಗಳೂರು ಉತ್ತರ ದ‌ಕ್ಕೆಯ ಸಾರ್ವಜನಿಕ ಸ್ಥಳದಲ್ಲಿ ಹಣ ಪಣವಾಗಿರಿಸಿ ಇಸ್ಪೀಟ್‌ ಜುಗಾರಿ ಆಟ ಆಡುತ್ತಿದ್ದಾರೆಂಬ ಮಾಹಿತಿ ಮೇರೆಗೆ ಪಿಎಸ್‌ಐ ವಿನಾಯಕ ತೋರಗಲ್‌ ಅವರು ಸಿಬಂದಿಯೊಂದಿಗೆ ದಾಳಿ ನಡೆಸಿದ್ದರು.

ಈ ವೇಳೆ ಜುಗಾರಿ ಆಟವಾಡುತ್ತಿದ್ದ ನವಾಝ್, ಅಬೂಬಕ್ಕರ್‌ ಸಿದ್ದಿಕ್‌, ಅಬ್ದುಲ್‌ ರಜಾಕ್‌, ರಾಸಿಕ್‌ ಮೊಹಮ್ಮದ್‌, ಇಬ್ರಾಹಿಂ ಫೈಸಲ್‌, ಅಬ್ದುಲ್‌ ರಹಿಮಾನ್‌ ಮತ್ತು ರಿಜ್ವಾನ್‌ ಅಹಮ್ಮದ್‌ನನ್ನು ಬಂಧಿಸಿ ಜುಗಾರಿ ಆಟಕ್ಕೆ ಉಪಯೋಗಿಸಿದ 3,580 ರೂ. ಸ್ವಾಧೀನಪಡಿಸಿಕೊಂಡಿದ್ದಾರೆ.