Mangaluru ಡ್ರೆಸ್ಡನ್‌ನ ಐಎಂಸಿ ನಿರ್ದೇಶಕರಾಗಿ ಮಂಗಳೂರು ಮೂಲದ ಡಾ| ಅಂಜನಾ ದೇವಿ

ಮಂಗಳೂರು: ಜರ್ಮನಿಯ ಡ್ರೆಸ್ಡನ್‌ನ ಲೈಬಿ°ಝ್ ಇನ್‌ಸ್ಟಿಟ್ಯೂಟ್‌ ಫಾರ್‌ ಸಾಲಿಡ್‌ ಸ್ಟೇಟ್‌ ಆ್ಯಂಡ್‌ ಮೆಟೀರಿಯಲ್ಸ್‌ ರಿಸರ್ಚ್‌ (ಐಎಫ್‌ಡಬ್ಲ್ಯೂ )ನ ಇನ್‌ಸ್ಟಿಟ್ಯೂಟ್‌ ಫಾರ್‌ ಮೆಟೀರಿಯಲ್‌ ರಿಸರ್ಚ್‌ (ಐಎಂಸಿ)ದ ನಿರ್ದೇಶಕರಾಗಿ ಮಂಗಳೂರು ಮೂಲದ ಡಾ| ಅಂಜನಾ ದೇವಿ ಅಧಿಕಾರ ವಹಿಸಿಕೊಂಡಿದ್ದಾರೆ.

ಇದೇ ವೇಳೆ ಅವರು ಡ್ರೆಸ್ಡನ್‌ನ ಟೆಕ್ನಿಕಲ್‌ ವಿಶ್ವವಿದ್ಯಾನಿಲಯದ ಕೆಮೆಸ್ಟ್ರಿ ಆ್ಯಂಡ್‌ ಫುಡ್‌ ಕೆಮೆಸ್ಟ್ರಿ ವಿಭಾಗದ ಮೆಟೀರಿಯಲ್‌ ಕೆಮೆಸ್ಟ್ರಿ ವಿಭಾಗದ ಮುಖ್ಯಸ್ಥರಾಗಿಯೂ ನೇಮಕಗೊಂಡಿದ್ದಾರೆ.

ಡಾ| ದೇವಿ ಅವರು 1991ರ ಅವಧಿಯಲ್ಲಿ ಮಂಗಳೂರು ವಿ.ವಿ.ಯಲ್ಲಿ ರಸಾಯನಶಾಸ್ತ್ರ, ಭೌತಶಾಸ್ತ್ರ, ಗಣಿತ, ವಸ್ತು ವಿಜ್ಞಾನ ವಿಷಯಗಳನ್ನು ಅಧ್ಯಯನ ಮಾಡಿದ್ದರು. ಬೆಂಗಳೂರಿನ ಐಐಎಸ್ಸಿಯಲ್ಲಿ ಮೆಟೀರಿಯಲ್ಸ್‌ ರಿಸರ್ಚ್‌ ಸೆಂಟರ್‌ನಲ್ಲಿ ಮೆಟೀರಿಯಲ್‌ ಸಯನ್ಸ್‌ನಲ್ಲಿ ಪಿಎಚ್‌ಡಿ ಪದವಿ ಪಡೆದಿದ್ದಾರೆ.