ಇಂದು ಮಂಗಳೂರಿನಿಂದ ಬೆಂಗಳೂರಿಗೆ ಮಾತ್ರ ವಿಮಾನ ಸಂಚಾರ! ಮುಂಬೈ, ಚೆನ್ನೈ ಸಂಚಾರ ರದ್ದು

ಮಂಗಳೂರು : ಪ್ರಯಾಣಿಕರ ಅಲಭ್ಯತೆ ಮತ್ತು ವಿಮಾನ ಸಂಚಾರದ ಅನುಮತಿಗೆ ಸಂಬಂಧಪಟ್ಟಂತೆ ಮುಂಬೈ ಮತ್ತು ಚೆನ್ನೈ ನಡುವಿನ ವಿಮಾನ ಸಂಚಾರ ರದ್ದುಗೊಂಡಿದೆ.

ಇಂದಿನಿಂದ ಮಂಗಳೂರು ಮತ್ತು ಬೆಂಗಳೂರು ನಡುವೆ ರಾತ್ರಿ ವಿಮಾನಯಾನ ಸಂಚಾರ ಮಾಡಲಿದ್ದು ಹಗಲು ಹೊತ್ತಿನಲ್ಲಿ ವಿಮಾನ ಹಾರಾಟ ಮಾಡುವುದಿಲ್ಲ, ಸ್ಪೈಸ್ ಜೆಟ್ 1, ಇಂಡಿಗೋ 1 ವಿಮಾನ ಮಾತ್ರ ಸಂಚಾರ ನಡೆಸಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಮಂಗಳೂರಿನಿಂದ ಅಂತಾರಾಷ್ಟ್ರೀಯ ವಿಮಾನಯಾನ ಮಾ.22ರಿಂದ ಮತ್ತು ದೇಶೀಯ ವಿಮಾನ ಸಂಚಾರ ಮಾ.25ರಿಂದ ಸ್ಥಗಿತಗೊಂಡಿತ್ತು.

ದೇಶೀಯ ವಿಮಾನ ಸೇವೆ ಆರಂಭಕ್ಕೆ ಕೇಂದ್ರ ವಿಮಾನಯಾನ ಸಚಿವಾಲಯ ಸೂಚನೆ ನೀಡಿದ ಹಿನ್ನೆಲೆಯಲ್ಲಿ ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಮೇ 25ರಿಂದ 6 ವಿಮಾನಗಳು ಹಾರಾಟ ಆರಂಭಿಸಲಿವೆ ಎಂದು ತಿಳಿಸಲಾಗಿತ್ತು ಆದರೆ ಇಂದು ಮಂಗಳೂರು ಬೆಂಗಳೂರು ಮಾತ್ರ ವಿಮಾನಯಾನ ಸಂಚಾರ ನಡೆಸಲಿದೆ.