ಸುಳ್ಯ: ಗಾಳಿ-ಮಳೆಗೆ ವಿದ್ಯುತ್‌ ಕಂಬಗಳು ಧರಾಶಾಯಿ

ಸುಳ್ಯ: ಸುಳ್ಯ ಪರಿಸರದಲ್ಲಿ ಬುಧವಾರ ಅನಿರೀಕ್ಷಿತವಾಗಿ ಬಂದ ಗಾಳಿ – ಮಳೆಗೆ ಮೆಸ್ಕಾಂನ ಸುಳ್ಯ ಅಜ್ಜಾವರ ವಿಭಾಗದಲ್ಲಿ ಸುಮಾರು 15 ವಿದ್ಯುತ್‌ ಕಂಬಗಳು ಧರಾಶಾಯಿಯಾಗಿ ವಿದ್ಯುತ್‌ ಸಂಪರ್ಕ ಅಸ್ತವ್ಯವಸ್ತವಾಗಿದೆ. 

ಪಂಜದಲ್ಲಿ 5, ಸುಬ್ರಹ್ಮಣ್ಯದಲ್ಲಿ 5 ಕಂಬಗಳು ಉರುಳಿಬಿದ್ದಿವೆ. ಇಲಾಖೆ ವಿದ್ಯುತ್‌ ಸಂಪರ್ಕವನ್ನು ಸರಿಪಡಿಸುವಲ್ಲಿ ಹೆಣಗಾಡುತ್ತಿದೆ. ಬುಧವಾರ ಗುಡುಗು ಸಹಿತ ಉತ್ತಮ ಮಳೆಯಾಗಿದ್ದು, ಕೃಷಿಕರಲ್ಲಿ ಸಂತಸ ಉಂಟುಮಾಡಿದೆ. ಗುರುವಾರ ದಿನವಿಡೀ ಮೋಡ ಕವಿದ ವಾತಾವಾರಣ ಇತ್ತು.