ಮಂದಾರ; ಕಂಜಿರಾಡಿ ರಸ್ತೆಯ ತ್ಯಾಜ್ಯ ತೆರವು ಕಾರ್ಯಾಚರಣೆ

ಮಹಾನಗರ: ಪಚ್ಚನಾಡಿ ಡಂಪಿಂಗ್‌ ಯಾರ್ಡ್‌ನಿಂದ ತ್ಯಾಜ್ಯ ರಾಶಿಯು ಜರಿದು ಮಂದಾರ ವ್ಯಾಪ್ತಿ ಯಲ್ಲಿ ವ್ಯಾಪಿಸಿರುವುದನ್ನು ತೆರವು ಮಾಡುವ ನೆಲೆಯಲ್ಲಿ ವಿವಿಧ ತಜ್ಞರ ತಂಡ ನೀಡಿರುವ ಅಧ್ಯಯನ ವರದಿಯನ್ನು ದ.ಕ. ಜಿಲ್ಲಾಡಳಿತ ಅಂತಿಮಗೊಳಿ ಸುತ್ತಿದ್ದು, ಮಂದಾರ-ಕಂಜಿರಾಡಿ ಸಂಪರ್ಕ ರಸ್ತೆಯಲ್ಲಿ ಬಿದ್ದಿರುವ ತ್ಯಾಜ್ಯವನ್ನು ತೆರವುಗೊಳಿಸುವ ಕಾರ್ಯ ಸದ್ಯ ನಡೆ ಯುತ್ತಿದೆ.

ಇಲ್ಲಿನ ಸಂಪರ್ಕ ರಸ್ತೆಯ ಸುಮಾರು 300 ಮೀ. ನಷ್ಟು ಉದ್ದದಲ್ಲಿ ತ್ಯಾಜ್ಯ ರಾಶಿ ಸುಮಾರು 100ಮೀ. ಎತ್ತರದಲ್ಲಿ ಬಿದ್ದಿರುವುದರಿಂದ ರಸ್ತೆ ಸಂಪರ್ಕ ಸಂಪೂರ್ಣ ಬಂದ್‌ ಆಗಿದೆ. ಹೀಗಾಗಿ ಕಂಜಿರಾಡಿ ಭಾಗಕ್ಕೆ ಸಂಪರ್ಕಿಸಲು ಪರ್ಯಾಯ ರಸ್ತೆಯನ್ನೇ ಅವಲಂಬಿಸ ಬೇಕಾಗಿದೆ. ರಸ್ತೆಯಲ್ಲಿ ಬಿದ್ದಿರುವ ತ್ಯಾಜ್ಯ ವನ್ನು ತೆಗೆದು ವಾಹನಗಳಿಗೆ ಅವಕಾಶ ನೀಡುವ ನೆಲೆಯಲ್ಲಿ ಮಂಗಳೂರು ಪಾಲಿಕೆಯು ಕಾಮಗಾರಿ ನಡೆಸುತ್ತಿದೆ. ಎರಡು ಬುಲ್ಡೋಜರ್‌ ಸಹಾಯದಿಂದ ಕೆಲವು ದಿನಗಳಿಂದ ರಸ್ತೆಯ ತ್ಯಾಜ್ಯವನ್ನು ತೆಗೆದು ಪಕ್ಕಕ್ಕೆ ಸರಿಸಲಾಗುತ್ತಿದೆ. ಆದರೆ ತೆಗೆದ ತ್ಯಾಜ್ಯ ಮತ್ತೆ ಜರಿದು ಅದೇ ಜಾಗಕ್ಕೆ ಬೀಳುತ್ತಿರುವುದರಿಂದ ಕೆಲಸ ಮಾಡುವುದೇ ಇಲ್ಲಿ ಕಷ್ಟವಾಗಿದೆ.

ಮಂದಾರದ ರವೀಂದ್ರ ಭಟ್ ಅವರ ಹಳೆಯ ಮನೆಯ ಬಳಿ ವ್ಯಾಪಿಸಿರುವ ತ್ಯಾಜ್ಯವನ್ನು ತೆರವುಗೊಳಿಸುವ ಕಾಮಗಾರಿ ಒಂದೆರಡು ದಿನಗಳಿಂದ ನಡೆದಿದ್ದು, ಮನೆಯಿಂದ ಸುಮಾರು ನಾಲ್ಕು ಅಡಿಯಷ್ಟು ದೂರ ತ್ಯಾಜ್ಯ ಸರಿಸಲಾಗಿದೆ.

ಒಂದೆರಡು ದಿನದಿಂದ ಬಿಸಿಲು ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ತ್ಯಾಜ್ಯ ರಾಶಿ ಯಲ್ಲಿ ಹುಳುಗಳು ಉತ್ಪತ್ತಿಯಾಗಿದ್ದು, ನೊಣ ಹಾಗೂ ಸೊಳ್ಳೆ ಕಾಟ ವಿಪರೀತವಾಗಿದೆ. ಇಲ್ಲಿನ ಸುತ್ತಮುತ್ತಲ ಪ್ರದೇಶದಲ್ಲಿ ಸೊಳ್ಳೆಕಾಟ ಜಾಸ್ತಿಯಾಗಿದೆ.

ತ್ಯಾಜ್ಯರಾಶಿಯಿಂದ ಇನ್ನೂ ಕೂಡ ತ್ಯಾಜ್ಯನೀರು ಹೊರಬರುವುದು ಕಡಿಮೆ ಯಾಗಿಲ್ಲ. ಇದು ನೇರವಾಗಿ ತೋಡು ಸೇರಿ ನದಿ-ಸಮುದ್ರಕ್ಕೆ ಸೇರುತ್ತಿದೆ. ಜತೆಗೆ ತೋಟದ ಮಧ್ಯೆ ತ್ಯಾಜ್ಯನೀರು ನಿಂತು ಪರಿಸರವೆಲ್ಲ ಗಲೀಜಾಗಿದೆ. ರವೀಂದ್ರ ಭಟ್ ಸಹಿತ ಇತರರ ಮನೆಯ ಮುಂಭಾಗ-ಹಿಂಭಾಗದಲ್ಲಿ ತ್ಯಾಜ್ಯ ನೀರು ಹರಿದು ಹೋಗುತ್ತಿದೆ. ತ್ಯಾಜ್ಯನೀರು ವಿಪರೀತವಾಗಿರುವ ಕಾರಣದಿಂದ ಇಲ್ಲಿ ಸಾಂಕ್ರಾಮಿಕ ರೋಗ ಹರಡುವ ಭೀತಿ ಎದುರಾಗಿದೆ.

ಇಂಧೋರ್‌ನಲ್ಲಿ ಸುಮಾರು 13 ಲಕ್ಷ ಟನ್‌ ತ್ಯಾಜ್ಯ ರಾಶಿಯನ್ನು ವಿಲೇ ಮಾಡಿ ಅನುಭವ ಇರುವ ತಜ್ಞರ ತಂಡವೊಂದು ಸೆ. 2ರಂದು ಮಂದಾರಕ್ಕೆ ಭೇಟಿ ನೀಡಲಿದೆ. ಇಲ್ಲಿನ ತ್ಯಾಜ್ಯವನ್ನು ವಿಲೇ ಮಾಡುವ ಬಗ್ಗೆ ವರದಿ ನೀಡಲಿದ್ದಾರೆ. ಈಗಾಗಲೇ ಚೆನ್ನೈ, ಕೊಯಮತ್ತೂರು ಸಹಿತ ವಿವಿಧ ತಜ್ಞರ ತಂಡ ಆಗಮಿಸಿ ವರದಿಯನ್ನು ಜಿಲ್ಲಾಡಳಿತಕ್ಕೆ ನೀಡಿದ್ದು, ಇದೆಲ್ಲದರ ಪರಾಮರ್ಶೆ ಆದ ಬಳಿಕ ಯಾವ ರೀತಿಯಲ್ಲಿ ತ್ಯಾಜ್ಯವನ್ನು ವಿಲೇವಾರಿ ಮಾಡಬಹುದು ಎಂಬುದರ ಬಗ್ಗೆ ಅಂತಿಮ ತೀರ್ಮಾನವಾಗಲಿದೆ ಎಂದು ಮನಪಾ ಪರಿಸರ ಅಧಿಕಾರಿ ಮಧು ‘ಸುದಿನ’ಕ್ಕೆ ತಿಳಿಸಿದ್ದಾರೆ.

ಸೆ. 2ರಂದು ಇಂದೋರ್‌ ತಜ್ಞರ ತಂಡ ಆಗಮನ
ಇಂಧೋರ್‌ನಲ್ಲಿ ಸುಮಾರು 13 ಲಕ್ಷ ಟನ್‌ ತ್ಯಾಜ್ಯ ರಾಶಿಯನ್ನು ವಿಲೇ ಮಾಡಿ ಅನುಭವ ಇರುವ ತಜ್ಞರ ತಂಡವೊಂದು ಸೆ. 2ರಂದು ಮಂದಾರಕ್ಕೆ ಭೇಟಿ ನೀಡಲಿದೆ. ಇಲ್ಲಿನ ತ್ಯಾಜ್ಯವನ್ನು ವಿಲೇ ಮಾಡುವ ಬಗ್ಗೆ ವರದಿ ನೀಡಲಿದ್ದಾರೆ. ಈಗಾಗಲೇ ಚೆನ್ನೈ, ಕೊಯಮತ್ತೂರು ಸಹಿತ ವಿವಿಧ ತಜ್ಞರ ತಂಡ ಆಗಮಿಸಿ ವರದಿಯನ್ನು ಜಿಲ್ಲಾಡಳಿತಕ್ಕೆ ನೀಡಿದ್ದು, ಇದೆಲ್ಲದರ ಪರಾಮರ್ಶೆ ಆದ ಬಳಿಕ ಯಾವ ರೀತಿಯಲ್ಲಿ ತ್ಯಾಜ್ಯವನ್ನು ವಿಲೇವಾರಿ ಮಾಡಬಹುದು ಎಂಬುದರ ಬಗ್ಗೆ ಅಂತಿಮ ತೀರ್ಮಾನವಾಗಲಿದೆ ಎಂದು ಮನಪಾ ಪರಿಸರ ಅಧಿಕಾರಿ ಮಧು ‘ಸುದಿನ’ಕ್ಕೆ ತಿಳಿಸಿದ್ದಾರೆ.