ಕೋರೆಗಾಂವ್‌ ಭೀಮಾ ಸಮೀಪ ವ್ಯಕ್ತಿಯ ಗುಂಡಿಕ್ಕಿ ಕೊಲೆ

ಪುಣೆ : ಇಲ್ಲಿಂದ ಸುಮಾರು 60 ಕಿ.ಮೀ. ದೂರದ ಶಿರೂರ್‌ ತೆಹಶೀಲ್‌ಗೆ ಒಳಪಟ್ಟ ಕೋರೆಗಾಂವ್‌ ಭೀಮಾ ಸಮೀಪದ ಸನಾಸ್‌ವಾಡಿ ಗ್ರಾಮದಲ್ಲಿ ಇಬ್ಬರು ಅಪರಿಚಿತ ದುಷ್ಕರ್ಮಿಗಳು 26ರ ಹರೆಯದ ವ್ಯಕ್ತಿಯೋರ್ವರನ್ನು ಗುಂಡಿಕ್ಕಿ ಸಾಯಿಸಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ಪೇಶ್ವೆಯರ ಸೇನೆಯನ್ನು  ದಲಿತರನ್ನು ಒಳಗೊಂಡಿದ್ದ  ಬ್ರಿಟಿಷ್‌ ಪಡೆ ಸೋಲಿಸಿದ ಕೋರೆಗಾಂವ್‌ ಭೀಮಾ ಕದನದ ದ್ವಿಶತಮಾನೋತ್ಸವ ಸ್ಮರಣಾರ್ಥ ನಡೆದಿದ್ದ
ಕಾರ್ಯಕ್ರಮತ ವೇಳೆ ಇದೇ ಸನಾಸ್‌ವಾಡಿ ಗ್ರಾಮದಲ್ಲಿ ಹಿಂಸೆ ಭುಗಿಲೆದ್ದಿತ್ತು.

ಹಂತಕರ ಗುಂಡಿಗೆ ಬಲಿಯಾಗಿರುವ ವ್ಯಕ್ತಿಯನ್ನು ಪೊಲೀಸರು ಗಂಗಾರಾಮ್‌ ದಾಸರವಾಡ (26) ಎಂದು ಗುರುತಿಸಿದ್ದಾರೆ. ಬೈಕಿನಲ್ಲಿ ಬಂದಿದ್ದ ಇಬ್ಬರು ಅಪರಿಚಿತರು ಇವರನ್ನು ಗುಂಡಿಕ್ಕಿ ಸಾಯಿಸಿದ್ದರು. 

ಕೊಲೆ ಕೇಸು ದಾಖಲಿಸಿಕೊಂಡಿರುವ ಪೊಲೀಸರೀಗ ಸಿಸಿಟಿವಿ ಚಿತ್ರಿಕೆಗಳನ್ನು ಪರಿಶೀಲಿಸಿ ಹಂತಕರನ್ನು ಶೋಧಿಸುವ ಯತ್ನದಲ್ಲಿ ತೊಡಗಿದ್ದಾರೆ.