ಬೀದಿ ನಾಯಿಗಳೊಂದಿಗೆ ಕ್ರಿಸ್‌ಮಸ್‌! ವಿಡಿಯೋ ವೈರಲ್

ಕ್ರಿಸ್‌ಮಸ್‌ ಹಬ್ಬವನ್ನು ಎಲ್ಲರೂ ಕುಟುಂಬಸ್ಥರು, ಸ್ನೇಹಿತರೊಂದಿಗೆ ಆಚರಿಸುತ್ತಾರೆ. ಮಕ್ಕಳಿಗೆ ವಿವಿಧ ಉಡುಗೊರೆಗಳನ್ನು ನೀಡುತ್ತಾರೆ. ಆದರೆ ಪ್ರಾಣಿಗಳ ಬಗ್ಗೆ ಪ್ರೀತಿ, ಕರುಣೆ ಇರುವ ಥಾಯ್ಲೆಂಡ್‌ನ‌ ವ್ಯಕ್ತಿಯೊಬ್ಬ ಬೀದಿ ನಾಯಿಗಳಿಗೆ ಹಬ್ಬದೂಟ ಬಡಿಸುವ ಜತೆಗೆ ಅವು ಆಟವಾಡಲು ಆಟಿಕೆಗಳನ್ನು ನೀಡುವ ಮೂಲಕ ಕ್ರಿಸ್‌ಮಸ್‌ ಆಚರಿಸುತ್ತಿದ್ದಾರೆ.

ಈ ಕುರಿತ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. “ವಿಶ್ವಾದ್ಯಂತ ಬೀದಿ ನಾಯಿಗಳು ಕಠಿಣ ಜೀವನ ನಡೆಸುತ್ತಿವೆ.

ಒಂದು ದಿನದ ಮಟ್ಟಿಗಾದರೂ ಅವುಗಳನ್ನು ಖುಷಿಯಾಗಿ ಇಡಬೇಕೆಂದು ಮುಂಜಾನೆ ಎದ್ದು, ಅವುಗಳಿಗೆ ಹಬ್ಬದೂಟ ತಯಾರಿಸಿದೆ. ಅದನ್ನು ಸುಮಾರು 100 ಬೀದಿನಾಯಿಗಳಿಗೆ ಬಡಿಸಿದೆ. ಜತೆಗೆ ಅವುಗಳಿಗೆ ಆಟಿಕೆಗಳನ್ನೂ ನೀಡಿದೆ. ನನ್ನ ಕಾರ್ಯ ನೋಡಿ ಜನರು ಆಟಿಕೆಗಳನ್ನು ಕಳುಹಿಸುತ್ತಿದ್ದಾರೆ,’ ಎಂದು ಆತ ವಿವರಿಸಿದ್ದಾನೆ.