ಸಿಂಹಗಳ ಜೊತೆಯಲ್ಲೇ ಸ್ನೇಹ ಬೆಳೆಸಿದ ಧೀರ..!

ಸಿಂಹ ಅಂದ್ರೆ ಸಾಕು ಜನರು ಭಯ ಬಿದ್ದು ಓಡುತ್ತಾರೆ. ಇನ್ನು ಸಿಂಹದ ಘರ್ಜನೆ ಕೂಡ ಅಷ್ಟೇ ಭಯಂಕರವಾಗಿರುತ್ತೆ. ಇಷ್ಟೆಲ್ಲ ಭಯ ಹುಟ್ಟಿಸುವ ಸಿಂಹಗಳ ಜೊತೆ ಮಾನವರು ಸ್ನೇಹ ಮಾಡೋದು ಅಂದ್ರೆ ಸುಲಭಾನಾ..? ಇದು ಸಾಧ್ಯಾನಾ ಎಂದು ಕೇಳುವ ಪ್ರಶ್ನೆಗೆ ಈ ವ್ಯಕ್ತಿಯೇ ಉತ್ತರ.

ಹೌದು ಇತ್ತೀಚೆಗೆ ಭಾರತೀಯ ಅರಣ್ಯ ಸೇವೆಗಳ ಅಧಿಕಾರಿ ಸುಸಂತ ನಂದ ವಿಡಿಯೋವನ್ನು ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ವಿಡಿಯೋದಲ್ಲಿ ಸಿಂಹಗಳ ತಂಡದ ನಡುವೆ ವ್ಯಕ್ತಿಯೊಬ್ಬ ಸಂಗೀತ ನುಡಿಸುತ್ತ ಎಂಜಾಯ್ ಮಾಡುತ್ತಿದ್ದಾನೆ. ಯಾವ ಭಯವಿಲ್ಲದೆ ಸಿಂಹಗಳ ಸನಿಹವೇ ಕುಳಿತಿರುವುದನ್ನು ಕಂಡಾಗ ಒಂದು ಕ್ಷಣ ಅಚ್ಚರಿಯೂ ಆಗುತ್ತದೆ, ಹಾಗೂ ಇನ್ನೊಂದು ಕಡೆ ಖುಷಿಯೂ ಆಗುತ್ತದೆ.

ಈ ಸಿಂಹಗಳು ಆ ವ್ಯಕ್ತಿಯ ಜೊತೆ ತುಂಬಾ ಸ್ನೇಹದಿಂದ ಇರುವ ದೃಶ್ಯ ನಿರ್ಮಲ ಪ್ರೀತಿಗೆ ಸಾಕ್ಷಿಯಾಗುತ್ತದೆ. ಈ ವಿಡಿಯೋ ನೋಡಿದ ಮೇಲೆ ಎಲ್ಲರಿಗೂ ಒಂದು ಅರ್ಥವಾಗುತ್ತದೆ, ಅದೇನಂದ್ರೆ ನಿಷ್ಕಲ್ಮಷ ಪ್ರೀತಿಗೆ ಸಿಂಹಗಳೂ ಕೂಡ ತಲೆಬಾಗುತ್ತವೆ ಎಂದು. ಸಿಂಹಗಳ ಜೊತೆ ಆಟವಾಡುತ್ತಿರುವ ವ್ಯಕ್ತಿಯ ಹೆಸರು ಡೀನ್ ಷ್ನೇಯ್ಡರ್. ಸ್ವಿಸ್ ಫೈನಾನ್ಶಿಯರ್. ದಕ್ಷಿಣ ಆಫ್ರಿಕಾದಲ್ಲಿ ಸಿಂಹಗಳೊಂದಿಗೆ ಕಳೆಯುವ ಸಲುವಾಗಿಯೇ ಇವರು ತಮ್ಮ ಕೆಲಸವನ್ನು ಬಿಟ್ಟಿದ್ದಾರಂತೆ.