ವಿಡಿಯೋ: ನೋಡು ನೋಡುತ್ತಲೇ ದೋಣಿ ಒಳಗಡೆ ಎಂಟ್ರಿ ಕೊಟ್ಟ ಸಮುದ್ರ ಸಿಂಹ

ನವದೆಹಲಿ : ಪ್ರಕೃತಿಯ ವೈಶಿಷ್ಟ್ಯಗಳೇ ಹಾಗೆ ಏನೇನೋ ನಡೆಯುತ್ತವೆ. ಇನ್ನು ಸಮುದ್ರದಲ್ಲಿ ನಡೆಯುವ ಪ್ರಾಣಿ-ಪಕ್ಷಿಗಳ ತುಂಟಾಟಗಳನ್ನು ನೋಡಲು ಸಂತೋಷವಾಗುತ್ತದೆ. ಇದಕ್ಕೆ ಸಾಕ್ಷಿ ಎಂಬಂತೆ ಟ್ವಿಟ್ಟರ್ ನಲ್ಲಿ ವೈರಲ್ ಆಗುತ್ತಿದೆ ಪತ್ರಕರ್ತರು ಶೇರ್ ಮಾಡಿರುವ ಈ ವಿಡಿಯೋ.

ಪತ್ರಕರ್ತರಾದ ಟಾಮ್ ಬೊಡ್ಲೆ ಎಂಬುವವರು ವಿಡಿಯೋ ಒಂದನ್ನು ಶೇರ್ ಮಾಡಿದ್ದು, ಆ ವಿಡಿಯೋದಲ್ಲಿ ಸಮುದ್ರ ಸಿಂಹ ಬೋಟ್ ಗೆ ಎಂಟ್ರಿ ಕೊಟ್ಟ ಬಗೆ ಅದ್ಭುತವಾಗಿದೆ. ಬೋಗ್ ನಲ್ಲಿ ಸಾಗುತ್ತ ಪಕ್ಷಿಗಳಿಗೆ ಮೀನುಗಳನ್ನು ಆಹಾರವಾಗಿ ಎಸೆಯುತ್ತಿರುತ್ತಾರೆ. ಈ ವೇಳೆ ಸಮುದ್ರದಿಂದ ಸೀ ಲಯನ್ ಅಥವಾ ಸಮುದ್ರ ಸಿಂಹ ಬೋಟ್ ಒಳಗಡೆ ಬರುತ್ತದೆ.

ಈ ವಿಡಿಯೋವನ್ನು ಅದೇ ಬೋಟ್ ನಲ್ಲಿ ಇದ್ದ ಮತ್ತೊಬ್ಬರು ಶೂಟ್ ಮಾಡಿದ್ದಾರೆ. ಸೀ ಲಯನ್ ಬೋಟ್ ಗೆ ಎಂಟ್ರಿ ಕೊಟ್ಟು ಅಲ್ಲಿಯೇ ಇದ್ದ ಮೀನುಗಳನ್ನೆಲ್ಲ ತಿಂದು ಮುಗಿಸಿ ನಂತರ ಸಮುದ್ರಕ್ಕೆ ನೆಗೆಯುತ್ತದೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಅಲ್ಲದೆ ಈ ವಿಡಿಯೋ ನೋಡಿದವರು ಮೆಚ್ಚುಗೆ ವ್ಯಕ್ತ ಪಡಿಸುತ್ತಿದ್ದಾರೆ.